ഫോഗ്രാഫുകളുടെ ഭംഗിയും നിലവാരവും എപ്പോഴും ക്യാമറകളുടെ വിലയിൽ മാത്രം അധിഷ്ഠിതമല്ല; കാരണം ക്യാമറകളല്ല ചിത്രങ്ങൾ എടുക്കുന്നത് എന്നതു തന്നെ! ഒരു നല്ല ഫോട്ടോ ജനിക്കുന്നത് പ്രതിഭാധനനായ ഒരു ഫോട്ടോഗ്രാഫറുടെ മനസ്സിലാണ്.

Tuesday, March 2, 2010

ചുവന്നുപോയ ചിത്രങ്ങളെ ശരിയാക്കൊനൊരു എളുപ്പവഴി

ഈ ബ്ലോഗിൽ ടെക്നിക്കലായ പോസ്റ്റുകളോടൊപ്പം ചെറിയ ചെറിയ ടിപ്സ്, ട്രിക്കുകൾ ഒക്കെ പങ്കുവയ്ക്കുകയും കൂടി ചെയ്യുവാനുദ്ദേശിക്കുന്നു. അതിനായി സൈഡ് ബാറിൽ പാഠങ്ങൾ എന്ന മുഖവുരയില്ലാതെ മറ്റൊരു ലിങ്ക് ലിസ്റ്റ് ആഡ് ചെയ്തിട്ടുണ്ട്. ഇടയ്ക്കിടെ ഇതുപോലെയുള്ള പോസ്റ്റുകളും പ്രതീക്ഷിക്കാം.


വൈറ്റ് ബാലസ് സെലക്റ്റ് ചെയ്തതിന്റെ തകരാറുകൊണ്ടോ, അല്ലെങ്കിൽ ഫോട്ടോയെടുത്ത രംഗത്തെ വെളിച്ചത്തിന്റെ പ്രത്യേകതകൊണ്ടോ ചുവന്നുപോയ ചിത്രങ്ങൾ നിങ്ങൾക്ക് ഡിജിറ്റൽ ക്യാമറകളിൽ കിട്ടിയിട്ടുണ്ടാവുമല്ലോ. ഉദാഹരണം മെഴുകുതിരി വെളിച്ചത്തിലും, ടംഗ്സ്റ്റൺ ബൾബ് വെളിച്ചത്തിലും സോഡിയം വേപ്പർ ലാമ്പ് വെളിച്ചത്തിലും മറ്റും എടുത്ത ചിത്രങ്ങൾ. ഈ സാഹചര്യങ്ങളിലൊക്കെയും ഫോട്ടോ ആവശ്യത്തിലധികം ചുവന്നുപോകാനുള്ള സാധ്യത ഏറെയാണ്. റോ മോഡിൽ എടുത്ത് പോസ്റ്റ് പ്രോസസ് ചെയ്യുകയാണ് ഈ അവസരങ്ങളിൽ ഏറ്റവും നന്ന്. അല്ലാതെ ജെ.പി.ജി ആയി ചിത്രം എടുത്തുപോയി എങ്കിൽ അത് ഫോട്ടോഷോപ്പിൽ കറക്റ്റ് ചെയ്യാനുള്ള ഒരു ചെറിയ വിദ്യ ഒരു ഫോട്ടോഫോറത്തിൽ വായിച്ചത് ഇവിടെ ഷെയർ ചെയ്യട്ടെ. ഇതൊരു 10/10 മാർക്ക് കൊടുക്കാവുന്ന വിദ്യയൊന്നുമല്ല, എങ്കിലും ചെറിയ അഡ്ജസ്റ്റ്മെന്റുകളൊക്കെ ഇതുവഴി ചെയ്യാം. (Adobe Photoshop CS2 ലെ മെനു ആണ് ഇവിടെ വിവരിക്കുന്നത്)

ആദ്യമായി എഡിറ്റ് ചെയ്യേണ്ട ചിത്രം ഫോട്ടോഷോപ്പിൽ തുറക്കുക. ഇതാണ് ഒറിജിനൽ ചിത്രം.


ഫോട്ടോഷോപ്പിലെ വിന്റോസ് എന്ന മെനു തുറന്ന്, Layer Palette തുറന്നു വയ്ക്കുക. F7 കീ അമർത്തിയാലും ഈ പാലറ്റ് ലഭിക്കും. ഇനി Ctrl + C, Ctrl+V എന്നീ കീ കോമ്പിനേഷനുകൾ ഒന്നിനു പുറകെ ഒന്നായി കീബോർഡിൽ ചെയ്യുക. ഇപ്പോൾ നമ്മുടെ ഇമേജിന്റെ ഒരു കോപ്പി മറ്റൊരു ലയറായി ചേർക്കപ്പെടും. ലെയർ പാലറ്റിൽ നോക്കിയാൽ താഴെക്കാണുന്ന ചിത്രത്തിലേതുപോലെ ഒന്നിനുമുകളിൽ ഒന്നായി രണ്ടു ലെയറുകൾ കാണാം. പുതിയതായി കോപ്പി ചെയ്ത് ചേർത്ത ലെയറിന്റെ പേര് ഡിഫോൾട്ടായി ലെയർ 1 എന്നായിരിക്കും.


ലെയർ 1 എന്നതിൽ മൌസ് ഉപയോഗിച്ച് ക്ലിക്ക് ചെയ്യുക. ഇനി, ഫോട്ടോഷോപ്പിലെ ഫിൽറ്റർ എന്ന മെനു തുറന്ന് അതിലെ Blur എന്ന ഐറ്റം സെലക്റ്റ് ചെയ്യുക. Blur നു ഒരു സബ് മെനു ഉണ്ട്. അതിൽ നിന്നും Average സെലക്റ്റ് ചെയ്യുക.


ഇപ്പോൾ രണ്ടാമത്തെ ലെയർ 1 മുകളിൽ കാണുന്ന ചിത്രത്തിലേതുപോലെ ഒരു കളർ മാത്രമുള്ള ലെയറായി മാറുന്നതുകാണാം. അതവിടെ നിൽക്കട്ടെ. അടുത്തതായി Layer എന്നു പേരുള്ള മെനു തുറക്കുക. അതിൽ നിന്നും New Adjustment Layer എന്ന ഐറ്റം സെലക്റ്റ് ചെയ്യുക. അതിന്റെ സബ് മെനുവിൽ നിന്ന് Curves സെലക്റ്റ് ചെയ്യുക. ഈ പുതിയ അഡ്ജസ്റ്റ്മെന്റ് ലെയറിന് ഒരു പേരു കൊടുക്കുവാൻ ആവശ്യപ്പെടും. ഡിഫോൾട്ടായി Curves 1 എന്ന പേരുകാണാം. ഓകെ. ക്ലിക്ക് ചെയ്യുക.


ഇപ്പോൾ താഴെക്കാണുന്നതുപോലെ ഒരു സ്ക്രീൻ ലഭിക്കും. ആദ്യം ചെയ്യേണ്ടത് പ്രിവ്യൂ ബട്ടണു തൊട്ടുമുകളിലായി കാണുന്ന മൂന്നു പെൻ ടൂളുകളിലെ നടുവിലുള്ളത് (set Grey point) എന്ന ബട്ടൺ അമർത്തുക എന്നതാണ്. ഇനി മൌസിനെ നമ്മുടെ ആവറേജ് ബ്ലർ ചെയ്തപ്പോൾ ലഭിച്ച നിറത്തിനുള്ളിലേക്ക് (Layer1) കൊണ്ടുവന്ന് ഒരു ക്ലിക്ക് ചെയ്യുക. അപ്പോൾ ആ ലെയറിന്റെ നിറം മാറുന്നതായി കാണാം.

ഇനി ലെയർ പാലറ്റിലേക്ക് പോവുക. അവിടെയുള്ള Layer 1 (average blur layer) എന്ന നടുവിലുള്ള ലെയറിൽ ഒരു പ്രാവശ്യം ക്ലിക്ക് ചെയ്തിട്ട് മൌസ് റൈറ്റ് ക്ലിക്ക് ചെയ്യുക. അപ്പോൾ കിട്ടുന്ന മെനുവിൽ Delete Layer എന്നൊരു ഐറ്റമുണ്ടാവും. അത് സെലക്റ്റ് ചെയ്ത് ലെയർ 1 നെ ഡിലീറ്റ് ചെയ്യുക. ഇത്രയേ ഉള്ളു സംഭവം.

റിസൽട്ട് താഴെക്കാണൂ.


ഇതേരീതിയിൽ കളർ കറക്ഷൻ നടത്തിയ മറ്റൊരു ചിത്രം അബ്ദുൾ സലീമിന്റെ (ഷമീർ കറുകമാട്) ബ്ലോഗിൽ നിന്നും. ചിത്രത്തിൽ ക്ലിക്ക് ചെയ്ത് വലുതാക്കി നോക്കൂ വ്യത്യാസം.


മെഴുകുതിരി വെളിച്ചത്തിൽ എടുത്ത ചിത്രങ്ങളിൽ ഈ രീതി വളരെ ഫലവത്താണെനു കണ്ടിട്ടുണ്ട്.


Camera, Canon, Nikon, Fujifilm, Olympus, Kodak, Casio, Panasonic, Powershot, Lumix, Digital Camera, SLR, Megapixel, Digital SLR, EOS, SONY, Digial zoom, Optical Zoom

17 comments:

Renjith March 2, 2010 at 9:28 AM  

അപ്പു ചേട്ടാ ,
ഈ വിദ്യ പരീഷിച്ചു നോക്കി ,വിജയിച്ചു.
വളരെ നന്ദി

anoopkothanalloor March 2, 2010 at 4:42 PM  

അപ്പുവേട്ടാ ഫോട്ടോഷോപ്പ് കുറച്ചൊക്കെ അറിയാ.നോക്കട്ടെ പരീക്ഷണം

Renjith March 4, 2010 at 10:18 AM  

അപ്പു ചേട്ടാ ,
ഇപ്പോള്‍ ചില ബ്ലോഗുകളില്‍ വരുന്ന ഫോട്ടോയില്‍ സബ്ജെക്റ്റ് മാത്രം കളര്‍ കാണിക്കുകയും ബാക്ക്ഗ്രൌണ്ട് ,മറ്റുള്ളതും ബ്ലാക്ക്‌ & വൈറ്റ് കാണിക്കാരുണ്ടല്ലോ. അതിന്‍റെ ടെക്നിക്ക് എങ്ങനെയാണ് എന്ന് പറഞ്ഞുതരുമോ?

അപ്പു March 4, 2010 at 3:23 PM  

രഞ്ജിത്, അത് ഫോട്ടോഷോപ്പിൽ ചെയ്യാവുന്ന ഒരു ചിന്നടെക്നിക്കല്ലേ.. ഏതുഭാഗമാണോ കളറിൽ നിർത്തേണ്ടത്, അതിനെ ലാസോ ടൂൾ ഉപയോഗിച്ച് സെലക്റ്റ് ചെയ്യുക. അതിനുശേഷം സെലക്ഷൻ ഇൻ‌വേഴ്സ് ചെയ്യുക. ഇനി ഇപ്പോൾ സെലക്റ്റായിരിക്കുന്ന ഭാഗത്തെ ഡീസാച്ചുറേറ്റ് ചെയ്യുക. ഇത്രയേ ഉള്ളൂ. സ്ക്രീൻ ഷോട്ട് ഉൾപ്പടെ ഇത് എഴുതാം താമസിയാതെ.

siva // ശിവ March 4, 2010 at 5:52 PM  

വിജ്ഞാനപ്രദമായ പോസ്റ്റ്. നന്ദി.

Renjith March 4, 2010 at 6:37 PM  

അപ്പു ചേട്ടാ ,
വളരെ നന്ദി

Prasanth Iranikulam March 6, 2010 at 4:16 PM  

ഉപകാരപ്രദമായ പോസ്റ്റ്!
ചുവന്ന ചിത്രങ്ങളെ മാത്രമല്ല പൊതുവേ വൈറ്റ്ബാലന്‍സ് ശരിയാക്കുവാന്‍ ഇത് ഉപയോഗിക്കാം എന്നു തോന്നുന്നു.

അബ്‌കാരി March 10, 2010 at 3:47 PM  

അപ്പുമാഷേ നന്ദി ..

praveen raveendran May 19, 2010 at 12:23 PM  

adipoli..... angane njanum padichu. thks a lot.

Agent Sk... October 9, 2010 at 12:54 AM  
This comment has been removed by the author.
Kasim Pmna July 12, 2014 at 8:36 AM  

വളരെ ഉപകാരപ്രതം

Kasim Pmna July 12, 2014 at 8:36 AM  
This comment has been removed by the author.

About This Blog

ഞാനൊരു പ്രൊഫഷനല്‍ ഫോട്ടോഗ്രാഫറല്ല. വായിച്ചും കണ്ടും കേട്ടും പരീക്ഷിച്ചും ഫോട്ടോഗ്രാഫിയില്‍ പഠിച്ചിട്ടുള്ള കാര്യങ്ങള്‍ നിങ്ങളുമായി പങ്കുവയ്ക്കാനൊരിടമാണ് ഈ ബ്ലോഗ്.

  © Blogger template Blogger Theme II by Ourblogtemplates.com 2008

Back to TOP