ഫോഗ്രാഫുകളുടെ ഭംഗിയും നിലവാരവും എപ്പോഴും ക്യാമറകളുടെ വിലയിൽ മാത്രം അധിഷ്ഠിതമല്ല; കാരണം ക്യാമറകളല്ല ചിത്രങ്ങൾ എടുക്കുന്നത് എന്നതു തന്നെ! ഒരു നല്ല ഫോട്ടോ ജനിക്കുന്നത് പ്രതിഭാധനനായ ഒരു ഫോട്ടോഗ്രാഫറുടെ മനസ്സിലാണ്.

Sunday, March 1, 2009

പാഠം 16: മീറ്ററിംഗ് മോഡുകള്‍


ഒരു ക്യാമറയുടെ എക്സ്പോഷര്‍ നിയന്ത്രിക്കുവാനുള്ള രണ്ടു മാര്‍ഗ്ഗങ്ങളായ അപ്പര്‍ച്ചര്‍ ഷട്ടര്‍‌ സ്പീഡ് എന്നിവയെപ്പറ്റിയും അവയുടെ ചിട്ടയായ നിയന്ത്രണം സാധ്യമാക്കുന്ന F-stop (അപ്പര്‍ച്ചര്‍), T-stop (ഷട്ടര്‍ സ്പീഡ്) സ്കെയിലുകളെപ്പറ്റിയുമാണ് വിശദമായി കഴിഞ്ഞ രണ്ട് അദ്ധ്യായങ്ങളില്‍‌ നാം ചര്‍ച്ച ചെയ്തത്. അവ വായിക്കുമ്പോള്‍ നിങ്ങളില്‍ പലര്‍ക്കും തോന്നിയിട്ടുണ്ടാവും ഇത്രമേല്‍ സങ്കീര്‍ണ്ണമാണോ ഒരു ക്യാമറയിലെ ലൈറ്റ് നിയന്ത്രണം എന്ന്.

ഒരു ഫോട്ടോഗ്രാഫറെ സംബന്ധിച്ചിടത്തോളം, അയാള്‍ക്ക് ക്യാമറയുടെ പ്രകാശനിയന്ത്രണത്തിനുപിന്നിലുള്ള സാങ്കേതിക കാര്യങ്ങളിലുള്ള അറിവ് കുറവാണെങ്കില്‍‌ക്കൂടി അതില്‍‌ വലിയ കാര്യമൊന്നുമില്ല. ഒരേയൊരു കാര്യം മാത്രമേ ആ പോസ്റ്റുകളുമായി ബന്ധപ്പെട്ട് ഓര്‍ത്തിരിക്കേണ്ടതായുള്ളൂ. F-stop സ്കെയിലില്‍‌ ആയാലും T-stop സ്കെയിലില്‍‌ ആയാലും അതിലെ ഒരു ചെറിയ നമ്പറില്‍ ഉയര്‍ന്ന നമ്പറിലേക്ക് മാറിയാല്‍ ക്യാമറയിലേക്ക് കയറുന്ന പ്രകാശം കുറയുമെന്നും, തിരിച്ച് വലിയ നമ്പറില്‍ നിന്ന് കുറഞ്ഞ നമ്പറിലേക്ക് മാറിയിയാല്‍ ക്യാമറയിലേക്ക് കയറുന്ന പ്രകാശം കൂടുമെന്നും എപ്പോഴും മനസില്‍ ഉണ്ടാവണം.

അതോടൊപ്പം ഈ രണ്ടു സ്കെയിലുകളിലും stop down എന്നതുകൊണ്ട് ഉദ്ദേശിക്കുന്നത് അതിലെ നമ്പറുകളുടെ ‘വില’ കൂടുന്നു എന്നതാണെന്നും (F2.8, F4, F4.6, F5.6, F8 ........ T 60, 80, 125, 250, 500 ഇങ്ങനെ) ഓര്‍മ്മയിലുണ്ടാവണം. അതായത് സ്റ്റോപ് ഡൌണ്‍ ചെയ്താല്‍ - മറ്റൊരു വിധത്തില്‍ സ്കെയിലില്‍ ഇടത്തുനിന്ന് വലത്തേക്ക് പോയാല്‍ - കുറച്ചു പ്രകാശം ക്യാമറയില്‍ കടക്കും. സ്റ്റോപ് അപ് ചെയ്താല്‍ കൂടുതല്‍ പ്രകാശം ക്യാമറയിലേക്ക് കടക്കും. ഈ അറിവിനോടൊപ്പം ഫ്രെയിം ഭംഗിയായി കമ്പോസ് ചെയ്യുവാനുള്ള കഴിവുകൂടിയുള്ളവര്‍ക്ക് നല്ല ഫോട്ടോകള്‍ എടുക്കുവാന്‍ ബുദ്ധിമുട്ടൊന്നും ഉണ്ടാവുകയില്ല.

എങ്കിലും ചില അവസരങ്ങളില്‍ ക്യാമറകാണിച്ചുതരുന്ന സെറ്റിംഗുകള്‍ വച്ച് എടുത്ത ചിത്രങ്ങളില്‍,‌ ഫോട്ടോയെടുക്കുന്ന അവസരത്തില്‍ നാം നേരില്‍ കണ്ട രീതിയിലുള്ള “തെളിച്ചം” കിട്ടിയെന്നുവരുകയില്ല. പ്രത്യേകിച്ചും ഫ്രെയിമില്‍ പ്രധാന സബ്ജക്റ്റിനേക്കാള്‍ വളരെ തെളിഞ്ഞതും, ഇരുണ്ടതുമായ ഭാഗങ്ങള്‍ ഉണ്ടെങ്കില്‍. ഉദാഹരണത്തിന് കടല്‍തീരത്ത് വച്ച് എടുക്കുന്ന ഒരു ഫോട്ടോയില്‍, ഫ്രെയിമിന്റെ ഒരുവശത്തു നില്‍ക്കുകയായിരുന്ന വ്യക്തി ഇരുണ്ടിരിക്കുന്നതായി കണ്ടേക്കാം . ചിലപ്പോള്‍ പ്രധാന സബ്ജക്റ്റ് തന്നെ ഫ്രെയിമിന്റെ വലിയൊരു ഭാഗം നിറയെ ഉണ്ടാവാം - ഒരു പൂവിന്റെ ക്ലോസ് അപ് പോലെ. അതില്‍ തന്നെ വര്‍ണ്ണങ്ങള്‍ക്കനുസരിച്ച് പൂവ് ഓവര്‍ എക്സ്പോസ് ആയിപ്പോയേക്കാം, ഇതളുകളൊന്നും വേര്‍തിരിച്ച് കാണുവാന്‍ സാധിക്കുന്നില്ലായിരിക്കാം.- ഇങ്ങനെ വ്യത്യസ്ത സാഹചര്യങ്ങള്‍ നിങ്ങള്‍ക്കും അനുഭവത്തില്‍ വന്നിട്ടുണ്ടാവാം.

ഫോട്ടോഗ്രാഫര്‍ നേരില്‍ കണ്ടപ്പോഴുള്ള രീതിയിലല്ലാതെ ഇരുണ്ടോ തെളിഞ്ഞോ കാണപ്പെടുന്ന ചിത്രങ്ങളെല്ലാം എക്സ്പോഷര്‍ വാല്യു നിര്‍ണ്ണയിക്കുന്നതില്‍ ക്യാമറയ്ക്ക് സംഭവിക്കുന്ന പിഴവുകള്‍ മൂലം ഉണ്ടാകുന്നതാണ്. എത്ര അത്യന്താധുനികമാണെന്നു പറഞ്ഞാലും നിങ്ങളുടെ ഡിജിറ്റല്‍ ക്യാമറയും ഒരു മെഷീന്‍ ആണെന്ന വസ്തുത മറക്കാതിരിക്കാം. അതിന് സ്വന്തമായ ‘ബുദ്ധി‘ ഇല്ല. മനുഷ്യനേത്രം പോലെ ഒരു രംഗത്തിന്റെ വ്യത്യസ്ത പ്രകാശതീവ്രതകള്‍ വിവേചിച്ച് അറിയുവാന്‍പോന്ന ഒരു തലച്ചോറും ഇല്ല. അതിനാല്‍ ഫ്രെയിമിലെ ഏതു ഭാഗത്തിന്റെ പ്രകാശമാണ് ക്യാമറയുടെ ലൈറ്റ് മീറ്റര്‍ കൂടുതലായി ശ്രദ്ധിക്കേണ്ടത് എന്ന് പറഞ്ഞുകൊടുക്കേണ്ട ചുമതല ഫോട്ടോഗ്രാഫറുടേതാണ്.

അതുകൊണ്ട് നല്ല ഒരു ഫോട്ടോഗ്രാഫര്‍ ഒരു വ്യൂഫൈന്ററില്‍ കൂടി ഒരു ഫ്രെയിമിനെ കാണുമ്പോള്‍ ക്യാമറയുടെ സെന്‍സര്‍ എങ്ങനെയാണ് അതേ രംഗം ഇപ്പോള്‍ കാണുന്നതെന്നും, എങ്ങനെയാവും ക്യാമറ ഈ രംഗത്തിന്റെ എക്സ്പോഷര്‍ നിര്‍ണ്ണയിക്കുവാന്‍ പോകുന്നതെന്നും അറിഞ്ഞിരിക്കണം. നിങ്ങള്‍ക്ക് മുന്‍‌കൂട്ടി മനസില്‍‌ ഇതുകാണുവാന്‍‌ സാധിക്കുന്നുണ്ടെങ്കില്‍‌‌‌‌, തീര്‍ച്ചയായും നിങ്ങള്‍‌ എടുക്കുന്ന ചിത്രവും നന്നായിരിക്കും. ഫോട്ടോഗ്രാഫര്‍മാര്‍ക്ക് എപ്പോഴും മനസില്‍ സൂക്ഷിക്കുവാന്‍ ഒരു കാര്യം : സെന്‍സറിനെപോലെ ചിന്തിക്കാന്‍ പഠിക്കുക!

ക്യാമറയിലെ ലൈറ്റ് മീറ്ററാണ് ക്യാമറയെ ഒരു രംഗത്തിന്റെ എക്സ്പോഷര്‍ നിര്‍ണ്ണയിക്കുവാന്‍ സഹായിക്കുന്നത് എന്നറിയാമല്ലോ. ഈ ലൈറ്റ് മീ‍റ്റര്‍ ഒരു രംഗം ‘കാണുന്ന‘ രീതികള്‍ക്കനുസൃതമായാണ് ക്യാമറ അനുയോജ്യമായ എക്സ്പോഷര്‍ വാല്യൂ നിര്‍ണ്ണയിക്കുന്നത്. ഇവിടെ ‘കാണുന്ന’ എന്ന വാക്ക് പ്രത്യേകം എടുത്തുപറയുന്നതിനു കാരണം നമ്മുടെ കണ്ണുകള്‍ കൊണ്ട് ഒരു രംഗം നാം കാണുന്നരീതിയിലല്ല ക്യാമറകാണുന്നത് എന്നതിനാലാണ്. ക്യാമറയെ സംബന്ധിച്ചിടത്തോളം മുമ്പിലിരിക്കുന്നത് വസ്തുവോ, വ്യക്തിയോ, ഒരു വര്‍ണ്ണശബളമായ ഒരു സീനറിയോ എന്നതൊന്നുമല്ല പ്രധാനം. ആ രംഗത്തിന്റെ വ്യത്യസ്ത ഭാഗങ്ങളിലെ പ്രകാശതീവ്രതയുടെ (luminance) കുറവും കൂടുതലുമാണ് അത് അളക്കുന്നത്.

ഒന്നു രണ്ടു ചിത്രങ്ങളുടെ സഹായത്തോടെ ഇതു വ്യക്തമാക്കാം. താഴെക്കൊടുത്തിരിക്കുന്ന ചിത്രങ്ങള്‍ നോക്കൂ. ഈ ചിത്രങ്ങള്‍ നോക്കുമ്പോള്‍ നിങ്ങളുടെ കണ്ണുകള്‍ നിങ്ങളെ പറ്റിക്കുന്നതൊഴിവാക്കാനായി അവയുടെ ഫോക്കസ് Blur ചെയ്തിരിക്കുന്നു, കൂടാതെ നിറവും എടുത്തുമാറ്റിയിരിക്കുന്നു. ഒറിജിനല്‍ ചിത്രം ഇന്‍സെറ്റില്‍ ഉണ്ട്. മൂന്നു ചിത്രങ്ങളും മൂന്നുവ്യത്യസ്ത സാഹചര്യങ്ങളാണ്, വ്യത്യസ്ത വീക്ഷണകോണുകളാണ്, അവയില്‍ ഉള്‍ക്കൊള്ളുന്ന സ്ഥലവ്യാപ്തിയും വ്യത്യസ്തമാണ്. മനസ്സിലാക്കാനുള്ള സൌകര്യത്തിനായി ഈ ഫ്രെയിമുകളെ 24 ചതുരങ്ങളായി വിഭജിച്ചിരിക്കുന്നു (ഈ വിഭജനം ഉദാഹരണത്തിനായി മാത്രം ചെയ്തതാണ്; യഥാര്‍ത്ഥ ടെക്നോളജി ഇതിലും സങ്കീര്‍ണ്ണമായി ഫ്രെയിമിനെ വിഭജിക്കാറുണ്ട്). ചിത്രങ്ങളില്‍ ക്ലിക്ക് ചെയ്ത് വലുതാക്കിയിട്ട് ഓരൊ ചതുരത്തിനുള്ളിലും ഉള്‍പ്പെടുന്ന ഭാഗങ്ങളിലെ പ്രകാശതീവ്രതയുടെ വ്യത്യാസം നേരില്‍ കണ്ടുമനസ്സിലാക്കൂ. ഇതുപോലെയാണ് ക്യാമറയുടെ ലൈറ്റ് മീറ്റര്‍ ഒരു രംഗത്തിന്റെ പ്രകാശവിന്യാസം ‘കാ‍ണുന്നത്’.

















ബ്രൈറ്റ്‌നെസ്, ലൂമിനെന്‍സ് എന്ന രണ്ടുവാക്കുകളും ഒരേ അര്‍ത്ഥത്തിലാണ് പലപ്പോഴും നാം പറയാറുള്ളതെങ്കിലും സാങ്കേതികാര്‍ത്ഥത്തില്‍ അങ്ങനെയല്ല. ഒരു വസ്തുപുറപ്പെടുവിക്കുന്ന അല്ലെങ്കില്‍ പ്രതിഫലിപ്പിക്കുന്ന പ്രകാശത്തിന്റെ ഏറ്റക്കുറച്ചിലുകളാണ് ലൂമിനന്‍സ്. അത് ഒരേ വസ്തുവിന്റെതന്നെ വ്യത്യസ്ത ഭാഗങ്ങളില്‍ വ്യത്യസ്തമായിരിക്കും. കറുപ്പിനും വെളുപ്പിനും ഇടയിലുള്ള നമ്മുടെ കാഴ്ച എത്ര ‘തെളിച്ചമുള്ളതാണ്’ എന്നാണ് ബ്രൈറ്റ്നെസ് എന്ന വാക്കുകൊണ്ട് അര്‍ത്ഥമാക്കുന്നത്. ഇവിടെ ക്യാമറയുടെ ലൈറ്റ് മീറ്റര്‍ അളക്കുന്നത് അതുകാണുന്ന രംഗത്തിന്റെ വ്യത്യസ്തഭാഗങ്ങളില്‍നിന്നുള്ള ലൂമിനന്‍സ് ആണ്. ഈ അളവുകള്‍ക്ക് വേണ്ട എക്സ്പോഷര്‍ വിലകളുടെ ശരാശരിയാണ് ക്യാമറയുടെ മീറ്റര്‍ നമുക്ക് കാണിച്ചു തരുന്ന എക്സ്പോഷര്‍ വാല്യൂ അഥവാ EV (ഉദാ: f/8, 1/250).


പക്ഷേ എല്ലാരംഗങ്ങള്‍ക്കും ഇപ്രകാരം ഫ്രെയിമിനെ മുഴുവനായി ആവറേജ് ചെയ്യേണ്ട ആവശ്യമുണ്ടാവില്ല. അങ്ങനെയുള്ള സാഹചര്യങ്ങളില്‍ ഫോട്ടോഗ്രാഫറുടെ സൌകര്യാര്‍ത്ഥം ഏതൊക്കെ ഏരിയയിലെ (ചതുരങ്ങളിലെ) പ്രകാശവിന്യാസത്തിനാണ് കൂടുതല്‍ പ്രാധാന്യം നല്‍കിക്കൊണ്ട് എക്സ്പോഷര്‍ വാല്യൂ അളക്കേണ്ടതെന്ന് ക്യാമറയെ മനസ്സിലാക്കാനുള്ള സംവിധാനം ഇന്നത്തെ എല്ലാ ഡിജിറ്റല്‍ ക്യാമറകളിലും ഉണ്ട്. ഈ സൌകര്യത്തെയാണ് മീറ്ററിംഗ് (Metering) എന്ന് പറയുന്നത്. ഇതേപ്പറ്റി അല്പം വിശദമായി ഇനി നോക്കാം.


മീറ്ററിംഗ് മോഡുകള്‍:

മീറ്ററിംഗിലേക്ക് വിശദമായി കടക്കുന്നതിനുമുമ്പ് നിങ്ങളില്‍ പലര്‍ക്കും അറിയാവുന്ന ഒരു കാര്യം ഒന്നുകൂടി ഓര്‍മ്മിപ്പിക്കട്ടെ. നമ്മുടെ കണ്ണുകളുടെ ഒരു കഴിവിനെപ്പറ്റിയാണ് ഇവിടെ സൂചിപ്പിക്കുന്നത്. ഒരു രംഗത്തിന്റെ വ്യത്യസ്തഭാഗങ്ങളെ നമ്മള്‍ അവിടേക്ക് നോട്ടം ഉറപ്പിക്കുന്ന മില്ലിസെക്കന്റിനുള്ളില്‍ കണ്ണുകള്‍ സ്വതവേ പ്രകാശത്തിനനുസരിച്ച് അഡ്ജസ്റ്റ് ചെതുകൊള്ളും. ഇവിടെ ഈ ഗെയിറ്റിന്റെ ചിത്രം നോക്കൂ, നിഴലും വെളിച്ചവും നന്നായി ഇടകലര്‍ന്ന ഒരു സ്ഥലം.
















നമ്മള്‍ നേരില്‍ ആ സ്ഥലത്ത് നില്‍ക്കുകയാണെങ്കില്‍ അതിലെ നിഴലുള്ളഭാഗങ്ങളും വെയിലുള്ളഭാഗങ്ങളെപ്പോലെതന്നെ, കാണുവാന്‍ ബുദ്ധിമുട്ടൊന്നും ഉണ്ടാവില്ല എന്നറിയാമല്ലോ. അതായത് ഒരു ഫോട്ടൊയില്‍ ഇരുണ്ടതായി കാണപ്പെടുന്ന ചില ഭാഗങ്ങള്‍, ഫോട്ടോ എടുക്കുന്ന അവസരത്തില്‍ ഫോട്ടോഗ്രാഫറുടെ കണ്ണുകള്‍ക്ക് ഇരുണ്ടതായി തോന്നുന്നുണ്ടാവില്ല എന്നു എന്നു സാരം! പക്ഷേ ഫോട്ടോ എടുക്കുമ്പോഴോ? ഈ രംഗത്തിന് അനുസൃതമായി ക്യാമറകണക്കാക്കിയ ഒരു നിശ്ചിതസമയത്തേക്ക് ഫ്രെയിമിന്റെ ഓരോ ഭാഗത്തുനിന്നും ക്യാമറയ്ക്കുള്ളിലേക്ക് ലഭിച്ച പ്രകാശത്തെമാത്രമെ ക്യാമറ ഫോട്ടോയായി റിക്കോര്‍ഡ് ചെയ്യുകയുള്ളു.ക്യാമറ ഒരു ഫ്രെയിമിലെ ലൈറ്റിന്റെ വിശദാശംങ്ങള്‍ സ്വാംശീകരിക്കുമ്പോള്‍ ക്യാമറ സ്വീകരിക്കുന്ന രീതികള്‍ ഏതൊക്കെ എന്ന് ഒന്നുനോക്കാം. പ്രധാനമായും മൂന്നുവിധത്തിലുള്ള മീറ്ററിംഗ് മോഡൂകളാണ് ക്യാമറ നിര്‍മ്മാതാക്കള്‍ നിലവില്‍ ഉപയോഗിക്കുന്നത്.


1. സ്പോട്ട് മീറ്ററിംഗ്:

വ്യൂഫൈന്ററിലെ ഒരു പ്രത്യേക പോയിന്റിനു ചുറ്റും 3.5 മില്ലീമീറ്റര്‍ വൃത്തത്തിന്റെ ഉള്‍വശത്തുവരുന്ന ഭാഗങ്ങളിലെ പ്രകാശതീവ്രതയാണ് സ്പോട്ട് മീറ്ററിംഗ് കണക്കിലെടുക്കുന്നത്. അതായത്, ഫ്രെയിമിലെ ഏതുഭാഗമാണൊ ഈ പോയിന്റിന് അടുത്ത് വരുന്നത് അത്; ബാക്കിഭാഗങ്ങളിലേക്ക് ക്യാമറയുടെ ശ്രദ്ധപോകുന്നതേയില്ല. ക്യാമറയുടെ ഫോക്കസ് പോയിന്റിനു ചുറ്റുമായിട്ടാവും ഈ ഏരിയ വരുന്നത്. ആധുനിക SLR ക്യാമറകളില്‍ ഒന്നിലധികം ഫോക്കസ് പോയിന്റുള്ളത് അറിയാമല്ലോ. അതില്‍ നിങ്ങള്‍ ഫോട്ടോയ്ക്കായി സെലക്റ്റ് ചെയ്തിരിക്കുന്നത് ഏതുപോയിന്റാണോ അതിനു ചുറ്റുമായിട്ടാവും സ്പോട്ട് മീറ്ററിംഗിന്റെ ഏരിയ. മാക്രോ ഫോട്ടോകള്‍ക്കും, ക്ലോസ് അപ് ഫോട്ടോകള്‍ക്കും മറ്റും ഈ മോഡ് വളരെ നല്ലതാണ്.

താഴെക്കൊടുത്തിരിക്കുന്ന ഫോട്ടോനോക്കൂ. അതിലെ മേഘത്തിനെയാണ് ഇവിടെ സ്പോട്ട് മീറ്ററിംഗ് ചെയ്തിരിക്കുന്നത്. ഈ ഫോട്ടോഫയലില്‍ മറ്റ് ഫോട്ടോഷോപ്പ് വര്‍ക്കുകളൊന്നും ചെയ്തിട്ടില്ല. ക്യാമറയുടെ ലൈറ്റ് മീറ്റര്‍ മേഘത്തില്‍ മാത്രം ശ്രദ്ധകേന്ദ്രീകരിക്കുന്നതുകൊണ്ട് ഫ്രെയിമിലെ മറ്റ് ഏരിയകളിലെ ലൈറ്റുകളൊന്നും അതിനു വിഷയമാകുന്നതേയില്ല. മേഘത്തിന് ഈ ഫോട്ടോയെടുക്കുമ്പോള്‍ ഉണ്ടായിരുന്ന അതേ “തെളിച്ചം” ക്യാമറ പുനഃസൃഷ്ടിക്കുകയാണ് ഇവിടെ ചെയ്തിരിക്കുന്നത്. (ഫോട്ടോഗ്രാഫര്‍ : സപ്തവര്‍ണ്ണങ്ങള്‍)


















ഇതുമായി ബന്ധമുള്ള മറ്റൊരു മീറ്ററിംഗ് മോഡാണ് Partial metering. ഫ്രെയിമിന്റെ മധ്യഭാഗത്തുള്ള 9% ഏരിയയിലാണ് ക്യാമറയുടെ മുഴുവന്‍ ശ്രദ്ധയും. മറ്റു ഭാഗങ്ങളുടെ ആവറേജ് കണക്കാക്കുന്നില്ല. എന്നുവച്ചാല്‍ സ്പോട്ട് മീറ്ററിംഗിന്റെ അല്പംകൂടി വലിയ ഒരു വകഭേദം - പക്ഷേ മധ്യഭാഗത്തുമാത്രം. എന്‍‌ട്രി ലെവല്‍ SLR ക്യാമറകളില്‍ ഇതുകണ്ടിട്ടില്ല. അല്പം കൂടി അഡ്വാസ്‌ഡ് ക്യാമറകളിലാണിത് ഉള്ളത്. പോര്‍ട്രെയിറ്റുകള്‍ക്ക് ഉത്തമമായ ഒരു മോഡാണിത്.


2. സെന്റര്‍ വെയ്റ്റഡ് ആവറേജ് മീറ്ററിംഗ്:

ഈ മീറ്ററിംഗ് മോഡ് കൂടുതലായും ശ്രദ്ധകേന്ദ്രീകരിക്കുന്നത് വ്യൂഫൈന്ററിന്റെ മധ്യഭാഗത്തുള്ള 8 മില്ലീമീറ്റര്‍ വ്യാസത്തിലുള്ള ഒരു വൃത്തതിനുള്ളിലാണ്‍. വ്യൂഫൈന്ററിനുള്ളില്‍ മധ്യഭാഗത്തായി കാണുന്ന വൃത്തത്തിനോളം പോന്ന ഭാഗം. അതിനര്‍ത്ഥം ബാക്കിഭാഗങ്ങളെ അതുശ്രദ്ധിക്കുന്നില്ല എന്നല്ല.എപ്പോഴും ഫ്രെയിമിന്റെ നടുക്കുഭാഗത്തിനു കൂടുതല്‍ പരിഗണനയും, ബാക്കിഭാഗങ്ങളുടെ ആവറേജും കണക്കാക്കുന്ന എക്സ്പോഷര്‍ മോഡ് ആണിത്. ഫോക്കസ് ചെയ്യുന്ന പോയിന്റ് ഫ്രെയിമിന്റെ മധ്യഭാഗത്തല്ലെങ്കിലും ഈ മോഡ് ഫ്രെയിമിന്റെ മധ്യഭാഗത്തെയാണ് മീറ്ററിംഗിനായി കണക്കിലെടുക്കുന്നത്.

സ്പോട്ട് മീറ്ററിംഗിന്റെ ഉദാഹരണമായി നല്‍കിയിരുന്ന അതേ ഫ്രെയിം സെന്റര്‍വെയ്റ്റഡ് മീറ്ററിംഗില്‍ എടുത്തപ്പോള്‍ ഫോട്ടോയില്‍ വന്നിരിക്കുന്ന വ്യത്യാസം നോക്കൂ.

















3. മള്‍ട്ടിസോണ്‍ മീറ്ററിംഗ്:


ഇന്നത്തെ മിക്കവാറും എല്ലാ ഡിജിറ്റല്‍ ക്യാമറകളിലും (SLR & point shoot) ഡിഫോള്‍ട്ടായി ഉപയോഗിച്ചിരിക്കുന്ന മീറ്ററിംഗ് മോഡ് ആണ് ഇത്. പലപേരുകളില്‍ ഈ ടെക്നോളജി അറിയപ്പെടുന്നുണ്ട്. മാട്രിക്സ് മീറ്ററിംഗ് (matrix metering) എന്ന് നിക്കോണും, ഇവാലുവേറ്റിവ് മീറ്ററിംഗ് (Evaluative metering) എന്ന് ക്യാനനും, ഹണികോമ്പ് മീറ്ററിംഗ് (Honey-comb metering)എന്ന് സോണിയും വിളിക്കുന്ന ഈ സാങ്കേതികവിദ്യ ആദ്യമായി അവതരിപ്പിച്ചത് നിക്കോണ്‍ ആണ്. ഏതുപേരില്‍ അറിയപ്പെട്ടാലും സംഗതി ഒന്നുതന്നെ.

എടുക്കേണ്ട ഫ്രെയിമിനെ പല സോണുകളായി (മേഖലകളായി) വിഭജിച്ചുകൊണ്ട് ഓരോ സോണുകളുടെയും എക്സ്പോഷര്‍ വില പ്രത്യേകം കണക്കാക്കി (സ്പോട്ട് മീറ്ററിംഗ് പോലെ) അതില്‍നിന്ന് ആവറേജ് വില നിശ്ചയിക്കുന്നു - ഈ പോസ്റ്റിന്റെ ആദ്യഭാഗത്ത് നാം ചില ചിത്രങ്ങളെ 24 ചതുരങ്ങളായി വിഭജിച്ചു കണ്ടതുപോലെ. ഒരു വ്യത്യാസമുള്ളത്, ഓരോ ക്യാമറനിര്‍മ്മാതാവിന്റെയും സാങ്കേതികവിദ്യയനുസരിച്ച് ഫ്രെയിമിനെ വിഭജിക്കുന്നത് വ്യത്യസ്തമായരീതിയില്‍ ആയിരിക്കും എന്നതാണ് - പത്തുമുതല്‍ നൂറിനുമേല്‍ സോണുകള്‍ വരെ കണക്കിലെടുക്കുന്ന ക്യാമറകളുണ്ട്. മീറ്ററിംഗിനുമാത്രമായി സജ്ജീകരിച്ചീട്ടുള്ള സെന്‍സറുകളും ക്യാമറയില്‍ ഉണ്ടാവും. ക്യാമറനിര്‍മ്മാതാക്കളെല്ലാവരും തന്നെ ഈ സാങ്കേതികവിദ്യയുടെ വിശദാംശങ്ങള്‍ അതീവ രഹസ്യമായി സൂക്ഷിക്കുകയാണ് ചെയ്യുന്നത്. എങ്കിലും പൊതുവേ വിശ്വസിക്കപ്പെടുന്നതനുസരിച്ച് രംഗത്തിന്റെ പലഭാഗങ്ങളില്‍ നിന്നുള്ള ലൂമിനന്‍സ് മാത്രമല്ല, ക്യാമറ ഫോക്കസ് ചെയ്തിരിക്കുന്ന പോയിന്റ്, ഡെപ്ത് ഓഫ് ഫീല്‍ഡ്, പ്രധാനവസ്തുവിന്മേല്‍ പതിക്കുന്ന പ്രകാശം, അതിന്റെ ബാക്ഗ്രൌണ്ടിലുള്ള പ്രകാശം, ഫ്രെയിമില്‍ ലഭ്യമായ വര്‍ണ്ണങ്ങള്‍, ഫോക്കസ് ചെയ്തിരിക്കുന്ന വസ്തുവും ക്യാമറയും തമ്മിലുള്ള അകലം എന്നിങ്ങനെ പലകാര്യങ്ങള്‍ സോണ്‍ മീറ്ററിംഗ് ഉപയോഗിച്ച് എക്സ്പോഷര്‍ വില നിര്‍ണ്ണയിക്കുന്നതിനു പിന്നില്‍ ക്യാമറകളിലെ സോഫ്റ്റ്വെയര്‍ കണക്കിലെടുക്കുന്നുണ്ട്.

മറ്റു മീറ്ററിംഗ് മോഡുകളില്‍ ഉദാഹരണമായി കാണിച്ച അതേ ഫ്രെയിം ഇവാലുവേറ്റീവ് മീറ്ററിംഗില്‍ എടുത്തത് താഴെക്കൊടുക്കുന്നു. ഇവിടെ ആകാശവും, മേഘവും, ഇളംവെയിലില്‍ പ്രകാശിക്കുന്ന മരങ്ങളും എല്ലാം ക്യാമറയുടെ ലൈറ്റ് മീറ്റര്‍ കണക്കിലെടുക്കുന്നു. അവയെ ഒക്കെയും ഈ ഫോട്ടോയില്‍ സാധിക്കുന്നത്ര തെളിമയില്‍ പതിപ്പിക്കുവാന്‍ തക്കവിധമുള്ള ഒരു എക്സ്പോഷറാണ് ക്യാമറ ഇവിടെ തെരഞ്ഞെടുത്തിരിക്കുന്നത്.

















വിവിധ മീറ്ററിംഗ് മോഡുകളെ കുറിക്കുവാന്‍ ഉപയോഗീക്കുന്ന ഐക്കണുകള്‍ ക്യാമറകളുടെ ഡിസ്പ്ലേയില്‍ ഉണ്ടാവും. ഒരു കാ‍നന്‍ ഡിജിറ്റല്‍ SLR ല്‍ കാണുന്ന ഐക്കണുകള്‍ ഇങ്ങനെയാവും.

















വ്യത്യസ്ത പ്രകാശസാഹചര്യങ്ങളിലെടുത്ത നൂറുകണക്കിനു ഫോട്ടോഗ്രാഫുകളെ അടിസ്ഥാനപ്പെടുത്തി തയ്യാറാക്കിയ ഒരു ഡാറ്റാബേസിനെ ആധാരമാക്കിയാണ്, നാം മീറ്ററിംഗ് ചെയ്യുന്ന രംഗത്തിന്റെ വര്‍ണ്ണവിന്യാസങ്ങള്‍ക്കനുസരിച്ചുള്ള ഒരു എക്സ്പോഷര്‍ ക്യാമറയുടെ സോഫ്റ്റ്വെയര്‍ നിര്‍ണ്ണയിക്കുന്നത്. മിക്കവാറും എല്ലാ പ്രകാശസാഹചര്യങ്ങളിലും ഇന്നത്തെ ക്യാമറകളുടെ സോണ്‍ മീറ്ററിംഗ് സംവിധാനങ്ങള്‍ നല്ല ബാലന്‍സ്ഡ് ആയ ചിത്രങ്ങള്‍ നല്‍കാറുണ്ട്. നിഴലും വെളിച്ചവും എല്ലാം ചേരുന്ന രണ്ടു ചിത്രങ്ങള്‍ താഴെ കൊടുത്തിരിക്കുന്നത് നോക്കൂ, എത്രഭംഗിയായാണ് ക്യാമറയുടെ മാട്രിക്സ് മീറ്ററിംഗ് (മള്‍ട്ടി സോണ്‍) മോഡ് ഈ രംഗത്തിന്റെ എക്സ്പോഷര്‍ നിര്‍ണ്ണയിച്ചിരിക്കുന്നതെന്ന് (ഫോട്ടോഗ്രാഫര്‍ ശ്രീലാല്‍, മോഡല്‍ ബിനോയ്).


















മീറ്ററിംഗിനെപറ്റിയുള്ള ഒരു തെറ്റിദ്ധാരണ:


മീറ്ററിഗ് മോഡുകളെപ്പറ്റി പൊതുവേയുള്ള ഒരു തെറ്റിദ്ധാരണയുണ്ട്, ഓരോ വിധത്തിലുള്ള മീറ്ററിംഗ് മോഡുകളും അതുപയോഗിച്ച് എടുക്കുന്ന ചിത്രങ്ങളുടെ വിവിധഭാഗങ്ങളില്‍ എന്തൊക്കെയോ ‘സ്പെഷ്യല്‍ എഫക്റ്റുകള്‍‘ നല്‍കും എന്നാണ് ഈ തെറ്റിദ്ധാരണ! സോണ്‍ മീറ്ററിംഗ് ഉപയോഗിച്ചെടുക്കുന്ന ചിത്രങ്ങളുടെ എല്ലാ ഭാഗങ്ങളും ഭംഗിയായി എക്സ്പോസ്ഡ് ആയിട്ടുണ്ടാവുമെന്നും, സെന്റര്‍ വെയ്റ്റഡ് മീറ്ററിംഗില്‍ എടുത്ത ചിത്രങ്ങളുടെ മധ്യഭാഗത്തുമാത്രം കൂടുതല്‍ ലൈറ്റ് ഉണ്ടാവുമെന്നും മറ്റും ധരിച്ചുവച്ചിട്ടുള്ള ഫോട്ടോഗ്രാഫര്‍മാര്‍ ധാരാളം! ലഭിക്കുന്ന ഫോട്ടോഗ്രാഫുകളിലെ ലൈറ്റ്എഫക്റ്റുകളല്ല, മറിച്ച് ഫ്രെയിമിലെ ഏതുഭാഗത്തിലെ ലൈറ്റാണോ ക്യാമറയുടെ ലൈറ്റ് മീറ്റര്‍ കൂടുതല്‍ ശ്രദ്ധയോട് അളന്നത്, അതിന്റെ പ്രതിഫലനങ്ങളാണ് നമുക്ക് ചിത്രത്തില്‍ ലഭിക്കുക.


മീറ്ററിംഗ് മോഡുകള്‍: പ്രായോഗിക ഉപയോഗങ്ങള്‍

താഴെക്കൊടുത്തിരിക്കുന്ന പൂവുകളുടെ ചിത്രം നോക്കൂ. ഈ മൂന്നു ഫോട്ടോകളിലും സ്പോട്ട് മീറ്ററിംഗ് മോഡ് ആണ് ഉപയോഗിച്ചിരിക്കുന്നത്.



























ഈ ചിത്രങ്ങളിലെല്ലാം ക്യാമറയുടെ ലൈറ്റ് മീറ്റര്‍ ശ്രദ്ധകേന്ദ്രീകരിക്കുന്നത് പൂവിന്റെ ഇതളുകളിലെ ഒരു ചെറിയഭാഗത്ത് മാത്രമാണ്. അതിനാലാണ് പൂവിതള്‍ മാത്രം ഏറ്റവും കൃത്യമായി എക്സ്പോസ്ഡ് ആയിരിക്കുന്നത് (ചിത്രങ്ങളില്‍ ക്ലിക്ക് ചെയ്ത് വലുതാക്കി നോക്കിയാല്‍ ഇത് വ്യക്തമാവും). ഇവയുടെ ബാക്ഗ്രൌണ്ട് കറുപ്പുനിറത്തില്‍ കാണപ്പെടുന്നത് ശ്രദ്ധിച്ചുവല്ലോ. ഇവയിലൊന്നും കറുപ്പുനിറത്തിലെ ബാക്ക്ഗ്രണ്ടായി എന്തെങ്കിലും വസ്തു ഉപയോഗിച്ചിട്ടില്ല, ഫോട്ടൊഷോപ്പ് ഉപയോഗിച്ച് ബാക്ഗ്രൌണ്ടിന്റെ നിറം മാറ്റിയതുമല്ല. ഇവയുടെയെല്ലാം ചുറ്റുവട്ടത്ത് ഇലകളും കമ്പുകളും ഉണ്ടായിരുന്നതാണ്, അവിടെ വെളിച്ചവും ഉണ്ടായിരുന്നു. എന്നാല്‍, ഈ ബാക്ഗ്രൌണ്ടുകളെ അപേക്ഷിച്ച് കൂടുതല്‍ വെളിച്ചം ഈ പൂവിതളില്‍ നിന്ന് പ്രതിഫലിക്കുന്നതായാണ് ക്യാമറയുടെ ലൈറ്റ് മീറ്റര്‍ അളന്നത്. അതിനാല്‍ പൂവിതളിനെ കൃത്യമായ എക്സ്പോഷറില്‍ ആക്കുവാന്‍ അനുയോജ്യമായ ഒരു ഷട്ടര്‍ സ്പീഡ്, അപ്പര്‍ച്ചര്‍ കോമ്പിനേഷനാണ് ക്യാമറ സെലക്റ്റ് ചെയ്തിരിക്കുന്നത്. ഈ കോമ്പിനേഷന്‍, ബാക്ഗ്രണ്ടില്‍നിന്നും പ്രതിഫലിക്കുന്ന താരതമ്യേന കുറഞ്ഞ അളവിലുള്ള പ്രകാശം സെന്‍സറില്‍ റിക്കോര്‍ഡ് ചെയ്യിക്കുവാന്‍ പര്യാപ്തമല്ലാത്തതിനാല്‍ ആ ഭാഗങ്ങള്‍ സ്വാഭാവികമായി ഇരുണ്ടു കാണപ്പെടൂന്നുവെന്നേയുള്ളൂ.

ഇതിനുപകരം, മാട്രിക്സ് / ഇവാലുവേറ്റീവ് മീറ്ററിംഗ് ആയിരുന്നു ഈ ഫോട്ടോകള്‍ക്ക് ഉപയോഗിച്ചിരുന്നതെങ്കില്‍, ക്യാമറ ഒരേ സമയം പൂവിതളിനേയും, ബാക്ഗ്രണ്ടിനേയും കണക്കിലെടുക്കുകയും, രണ്ടിനേയും ഏകദേശം ബാലന്‍സായി കാണിക്കത്തക്കവിധത്തിലുള്ള ഒരു എക്സ്പോഷര്‍ വാല്യൂ തെരഞ്ഞെടുക്കുകയും ചെയ്തേനെ. അങ്ങെനെ വരുമ്പോള്‍ സ്വാഭാവികമായി പൂവിന്റെ ചിലഭാ‍ഗങ്ങള്‍ ഓവര്‍ എക്സ്പോസ് ആയി കാണപ്പെടുകയും ചെയ്യുമായിരുന്നു. താഴെക്കൊടുത്തിരിക്കുന്ന ചിത്രത്തില്‍ ഇത് വ്യക്തമാണല്ലോ.
























സ്പോട്ട് മീറ്ററിംഗിന്റെ മറ്റൊരു ഉപയോഗം പോര്‍ട്രെയ്റ്റുകള്‍ എടുക്കുവാനായാണ്. ഒരാളുടെ മുഖം ഭംഗിയായി എക്സ്പോസ് ചെയ്യുവാന്‍ ഈ മോഡ് ഉപയോഗിക്കാം. ഒന്നുകില്‍ ബാക്ഗ്രൌണ്ട് വല്ലാതെ തെളിച്ചമുള്ളതാവുമ്പോള്‍ സബ്ജക്റ്റിനെ കൃത്യമായ എക്സ്പോഷറില്‍ ആക്കുവാന്‍, അല്ലെങ്കില്‍ മേല്‍പ്പറഞ്ഞ പൂവിന്റെ ഉദാഹരണത്തിലേതുപോലെ ബാക്ഗ്രൌണ്ടിനെ ഡാര്‍ക്ക് ആക്കി മാറ്റിക്കൊണ്ട് ഒരു പ്രത്യേക എഫക്റ്റ് ചിത്രത്തിനു നല്‍കുവാന്‍ ഈ മോഡ് ഉപയോഗിക്കാം‍. (ഫോട്ടോഗ്രാഫര്‍: ശ്രീലാല്‍)


















ഈ ഉദാഹരണങ്ങള്‍ കണ്ടതുകൊണ്ട് സ്പോട്ട് മീറ്ററിംഗ് എപ്പോഴും ബാക്ഗ്രൌണ്ടിനെ ഡാര്‍ക്ക് ആക്കിമാറ്റും എന്നു കരുതരുത്! നമ്മള്‍ സ്പോട്ട് മീറ്ററിംഗ് ചെയ്യുന്ന ഭാഗം ഫ്രെയിമിന്റെ ബാക്കിഭാഗങ്ങളെ അപേക്ഷിച്ച് ഇരുണ്ടതാണെങ്കില്‍ എന്തുസംഭവിക്കും എന്നുനോക്കൂ.

താഴെയുള്ള ചിത്രങ്ങള്‍ നോക്കൂ(ഫോട്ടോഗ്രാഫര്‍: ശ്രീലാല്‍). സ്പോട്ട് മീറ്റര്‍ ചെയ്യുന്ന ഏരിയ അതിന്റെ ചുറ്റുപാടുകളേക്കാള്‍ ഇരുണ്ടതാണെങ്കില്‍ എന്തുസംഭവിക്കുന്നു എന്ന് ഇതില്‍ കാണാവുന്നതാണ്. ആദ്യ ചിത്രത്തില്‍ മാട്രിക്സ് മീറ്ററിംഗ് നിഴലുള്ളഭാഗങ്ങളെയും തെളിച്ചമുള്ള ഭാഗങ്ങളേയും ഒന്നുപോലെ കണക്കിലെടുക്കുന്നതിനാല്‍, വീടിന്റെ പൂമുഖം അല്പം ഇരുണ്ടുപോയി എന്നുകാണാം, അതോടോപ്പം ഫ്രെയിമിന്റെ ഏറ്റവും അരികിലായി കാണുന്ന മതിലിന്റെ ഭാഗങ്ങളും ഇരുണ്ടുതന്നെ.
















അടുത്ത ചിത്രത്തില്‍ സ്പോട്ട് മീറ്ററിംഗ് ആണുപയോഗിച്ചിരിക്കുന്നത്. ഇവിടെ സ്പോട്ട് മീറ്റര്‍ ചെയ്തിരിക്കുന്ന ഫ്രെയിമിന്റെ മധ്യഭാഗത്തിനു കൂടുതല്‍ പരിഗണന കിട്ടുന്നതിനാല്‍, പൂമുഖം കുറേക്കൂടി തെളിച്ചമുള്ളതാക്കുവാന്‍ വേണ്ട ഒരു ഷട്ടര്‍ സ്പീഡ്, അപ്പര്‍ച്ചര്‍ കോംബിനേഷനാണ് ക്യാമറ ഉപയോഗിച്ചിരിക്കുന്നത്. അതുകൊണ്ട് മധ്യഭാഗത്തുള്ള പൂമുഖം മാത്രമല്ല, ഫ്രെയിമിന്റെ വശങ്ങളിലുള്ള മതിലിന്റെ ഭാഗങ്ങളും തെളിച്ചമുള്ളതായി മാറി. പക്ഷേ വെയിലുണ്ടായിരുന്ന ഭാഗങ്ങള്‍ അല്പം ഓവര്‍ എക്സ്പോസ്ഡും ആണ് (അത് ക്യാമറയുടെ കുറ്റമല്ല). ഈ ഉദാഹരണത്തില്‍ സ്പോട്ട് മീറ്ററിംഗ് ഫ്രെയിമിന്റെ മധ്യഭാഗം മാത്രമാണ് എക്സ്പോഷര്‍ വില നിര്‍ണ്ണയിക്കുവാന്‍ കണക്കാക്കിയതെങ്കിലും, അതിന്റെ ഫലം ഫ്രെയിമിനുമൊത്തത്തില്‍ ബാധകമാണെന്ന് മനസ്സിലായല്ലോ? അതുകൊണ്ടാണ് മീറ്ററിംഗിന്റെ മൊത്തത്തിലുള്ള എഫക്റ്റ് മീറ്ററിംഗ് ചെയ്ത ഭാഗത്തിനു മാത്രമല്ല, ഫ്രെയിമിനു മൊത്തമായി ബാധകമാണെന്നുപറയുവാന്‍ കാരണം.


















മീറ്ററിംഗിന്റെ പിന്നില്‍:


യഥാര്‍ത്ഥത്തില്‍ എന്താണ് മീറ്ററിംഗ്? ഫോട്ടോഗ്രാഫര്‍ ഉദ്ദേശിക്കുന്നരീതിയില്‍ ഒരു ഫ്രെയിമിന്റെ എക്സ്പോഷര്‍ വാല്യൂ നിര്‍ണ്ണയിക്കുവാന്‍ ഉതകുന്ന ഏറ്റവും പ്രയോജനപ്രദമായതും, അതേസമയം അനായസമായതുമായ ഒരു ടൂള്‍ ആണ് മീറ്ററിംഗ് മോഡുകള്‍. ഇവയുടെ സെലക്ഷനിലൂടെ ഫ്രെയിമില്‍ നാം ഉദ്ദേശിക്കുന്ന ഏതുഭാഗത്താണ് ലൈറ്റ് മീറ്റര്‍ കൂടുതല്‍ ശ്രദ്ധപതിപ്പിക്കേണ്ടതെന്ന് നാം ക്യാമറയോട് നിര്‍ദ്ദേശിക്കുന്നു. ഒരു അപ്പര്‍ച്ചര്‍ നമ്പറും ( f) shutter സ്പീഡ് നമ്പറും (T) ചേര്‍ന്നതാണ് ഒരു എക്സ്പോഷര്‍ വാല്യൂ - ഉദാ:f/8, 1/250. കാരണം ഒരു ഫോട്ടോ എടുക്കുവാന്‍ വേണ്ട ലൈറ്റ് എത്രവേണം എന്നു നിശ്ചയിക്കുന്ന രണ്ടേ രണ്ടു സംഗതികള്‍ ഇവ മാത്രമാണ്. മീറ്ററിംഗ് മോഡുകള്‍ എക്സ്പോഷര്‍ കണക്കാക്കുന്നത് ഫോട്ടോയെടുക്കുന്നതിനു മുമ്പാണ്. ഫോട്ടോ എടുത്തുകഴിഞ്ഞ് ക്യാമറ ഫോട്ടോയിലേക്ക് പകരുന്ന ഒരു എഫക്റ്റല്ല മീറ്ററിംഗ്.


ലൈറ്റ് മീറ്ററിംഗ് ഉദാഹരണത്തിലൂടെ:

നാം ക്യാമറയില്‍ സെറ്റ് ചെയ്തിരിക്കുന്ന മീറ്ററിംഗ് മോഡിനനുസരിച്ച് ക്യാമറ എക്സ്പോഷര്‍ നിര്‍ണ്ണയിക്കുന്നതെങ്ങനെ എന്ന് ഒരു യഥാര്‍ത്ഥ ഉദാഹരണത്തിലൂടെ വ്യക്തമാക്കാം. ശ്രദ്ധിക്കുക, മീറ്ററീംഗ് മോഡുകളുടെ ഉപയോഗം കാണിക്കുവാനുള്ള ഒരു ഉദാഹരണമല്ല ഇത്, മീറ്ററിംഗ് മോഡുകള്‍ക്കനുസരിച്ച് ലൈറ്റ് മീറ്റര്‍ എവിടെയൊക്കെ ശ്രദ്ധിക്കുന്നു എന്നുകാണിക്കുകയാണിവിടെ.

താഴെക്കാണുന്ന മൂന്നു ഫോട്ടോകള്‍ ഒരേ സമയത്ത് മൂന്ന് വ്യത്യസ്ത മീറ്ററിംഗ് മോഡുകളില്‍ എടൂത്തതാണ്. സെറ്റിംഗുകളെ പരമാവധി ഒരുപോലെയാക്കുവാന്‍ വേണ്ടി, അപ്പര്‍ച്ചര്‍ പ്രയോറിറ്റി മോഡില്‍, f/8 എന്ന സ്ഥിരം അപ്പര്‍ച്ചറിലാണ്‍ ഈ മൂന്നു ചിത്രങ്ങളും എടുത്തിരിക്കുന്നത്. കൂടാതെ ISO വാല്യുവും ഒന്നുതന്നെ 400. അപ്പോള്‍, ചിത്രങ്ങളില്‍ മാറുവാന്‍ സാ‍ധ്യമായ ഒരേ ഒരു വേരിയബിള്‍ ഷട്ടര്‍ സ്പീഡ് ആണ് എന്നറിയാമല്ലോ. (ഫോട്ടോഗ്രാഫര്‍ : ഹരീഷ് തൊടുപുഴ). ഇനി ഓരോ ചിത്രത്തിനേയും ഒന്നു പരിശോധിക്കാം.

















ആദ്യചിത്രം മാട്രിക്സ് മീറ്ററിംഗ് മോഡില്‍ ആണ് എടുത്തിരിക്കുന്നത്. ക്യാമറ ഈ ഫ്രെയിമിനെ പലഭാഗങ്ങളായി തിരിച്ച് ഒന്നുഴിഞ്ഞുനോക്കിയപ്പോള്‍, നടുക്ക് കാണുന്ന ഗെയിറ്റും, അതിനു വെളിയിലുള്ള റോഡും നല്ല പ്രകാശത്തിലും, ഗെയിറ്റിന്റെ ഉള്ളിലുള്ള തണലുള്ളഭാഗങ്ങളില്‍ കുറേ വെളിച്ചം ചിതറിവീഴുന്നതായും, മറ്റുചിലഭാഗങ്ങളില്‍ നിഴലുള്ളതായും കാണുന്നു. ഫ്രെയിമില്‍ കാണുന്ന ഒട്ടുമിക്കവാറും സാധനങ്ങളും ഫോക്കസില്‍ ആയതിനാല്‍ നടുക്കൊരു മനുഷ്യന്‍ നില്‍ക്കുന്നുണ്ടെന്നോ അദ്ദേഹത്തിന്റെ മുഖത്ത് അത്രലൈറ്റില്ലെന്നോ ഒന്നും ക്യാമറയ്ക്ക് ഒരു വിഷയമേ അല്ല. കാരണം നടുക്ക് നില്‍ക്കുന്ന ആളല്ല ഈ ഫോട്ടോയിലെ പ്രധാനസബ്ജക്റ്റ്, ക്യാമറയെ സംബന്ധിച്ചിടത്തോളം ഈ രംഗം ഒന്നുപോലെ പ്രാധാന്യമര്‍ഹിക്കുന്ന ഒന്നാണ്.

അപ്പര്‍ച്ചര്‍ f/8 എന്നസ്ഥലത്ത് നാം ഉറപ്പിച്ചു നിര്‍ത്തിയിരിക്കുന്നതിനാല്‍, ഈ രംഗത്തുനിന്ന ലഭിച്ച പ്രകാശഡേറ്റകളെല്ലാം വിശദമായി പരിശോധിച്ചതില്‍ നിന്നും ഈ രംഗത്തിന് അനുയോജ്യമായ ഷട്ടര്‍സ്പിഡ് 1/200 ആണെന്ന് ക്യാമറകണക്കാക്കുന്നു. അങ്ങനെ പൊതുവില്‍ നോക്കിയാല്‍ ബാലന്‍സ്ഡ് ആയ ഒരു ഫോട്ടൊ ക്യാമറ ഈ സെറ്റിംഗില്‍ നമുക്ക് തരുന്നു. ഇനി ഈ ഫോട്ടോയില്‍ ക്ലിക്ക് ചെയ്ത് ഒന്നു വലുതാക്കി നോക്കൂ. ഗെയ്റ്റിന്റെ വെളിയിലുള്ള റോഡ് ഒരല്പം ഓവര്‍ എക്സ്പോസ്ഡ് ആണ്, അല്ലേ. ടാറിന്റെ കറുപ്പുനിറം അത്രവ്യക്തമല്ല. അതുപോലെ പുറകിലുള്ള വീടിന്റെ ചുവപ്പുപെയ്ന്റും ഒരല്പം ഓവര്‍ ആണ്. അതുപോലെ നല്ല നിഴലുള്ള ഭാഗങ്ങളിലെ കാര്യങ്ങളും അത്ര വ്യക്തമല്ല. എങ്കിലും ഫോട്ടോ മൊത്തത്തില്‍ നോക്കിയാല്‍ നല്ലതുതന്നെ.

















അടുത്ത ഫോട്ടോ സെന്റര്‍വെയ്റ്റഡ് മീറ്ററിംഗില്‍ എടുത്തതാണ്. ഇവിടെ ക്യാമറ ഏറ്റവും കൂടുതല്‍ ശ്രദ്ധകേന്ദ്രീകരിക്കുന്നത് ഫ്രെയിമിന്റെ മദ്ധ്യഭാഗത്താണ്. അതായത് ഗെയ്റ്റും അതിനു ചുറ്റുവട്ടത്തും ഉള്ള ഭാഗങ്ങള്‍. ഈ ചിത്രം എടുക്കുന്നതിനായി ക്യാമറ സ്വീകരിച്ചിരിക്കുന്ന എക്സ്പോഷര്‍ f/8, 1/250 എന്നതാണ്. ശ്രദ്ധിക്കുക, ആദ്യ മാട്രിക്സ് മീറ്റര്‍ ചിത്രത്തിലേതിനേക്കാള്‍ ഒരുപടി കൂടുതലാണ് ഷട്ടര്‍സ്പീഡ് - അതായത് T-stop സ്കെയിലില്‍ വലത്തേക്ക് ഒരു നമ്പര്‍ കൂടുതല്‍, തന്മൂലം അല്പം കുറഞ്ഞ അളവില്‍ പ്രകാശം ക്യാമറയിലേക്ക് കടക്കുന്നു. അതിന്റെ എഫക്റ്റ് ആ ചിത്രത്തില്‍ കാണാനുമുണ്ട്. ചിത്രം വലുതാക്കി നോക്കൂ. റോഡിലെ ടാറിന്റെ കളര്‍ ശ്രദ്ധിച്ചാല്‍ ആ ഭാഗം ആദ്യചിത്രത്തിലുണ്ടായിരുന്നതിനേക്കാള്‍ നല്ലരീതിയില്‍ എക്സ്പോസ്ഡ് ആയിക്കാണാവുന്നതാണ്.

















ഈ മൂന്നാമത്തെ ഫോട്ടോ സ്പോട്ട് മീറ്ററിംഗ് മോഡില്‍ എടുത്തതാണ്. ഇവിടെ ക്യാമറ ശ്രദ്ധകേന്ദ്രീകരിക്കുന്നത് ഫ്രെയിമിന്റെ ഒത്തനടുവിലെ ഒരു ചെറിയ ഏരിയയിലാണ്. അതായത്, അവിടെ നില്‍ക്കുന്നയാളുടെ ഷര്‍ട്ടിന്റെ ഭാഗം. അവിടെ ലൈറ്റ് കുറവായികാണുന്നതിനാല്‍ f/8, 1/100 എന്ന എക്സ്പോഷര്‍ വാല്യുവാണ് ക്യാമറ സെലക്റ്റ് ചെയ്തിരിക്കുന്നത്. ആദ്യത്തെ രണ്ടു ചിത്രങ്ങളെക്കാളും ഷട്ടര്‍ തുറന്നിരിക്കുന്ന സമയം അല്പം കൂടുതലാണ്. അതിന്റെ പ്രതിഫലനങ്ങള്‍ ഫ്രെയിമിലെ വെളിച്ചമുള്ള ഭാഗങ്ങളില്‍ കാണാനുമുണ്ട്. അവയെല്ലാം ഓവര്‍ എക്സ്പോസ്ഡ് ആണ്.

ഈ മൂന്നു ചിത്രങ്ങളിലും അപ്പര്‍ച്ചര്‍ f/8 ആണ് എന്നോര്‍മ്മയുണ്ടല്ലോ? ഷട്ടര്‍ സ്പീഡ് മാത്രമാണ് മാറിയത്. അവ യഥാക്രമം മാട്രിക്സ് 1/200, സെന്റര്‍ വെയ്റ്റഡ് 1/250, സ്പോട്ട് മീറ്ററിംഗ് 1/100 എന്നിങ്ങനെയാണുള്ളത്. ഷട്ടര്‍സ്പീഡുകളുടെ T-സ്റ്റോപ്പ് സ്കെയിലിലെ 1/3 ക്രമത്തില്‍ അധികം അകലെയല്ലാത്ത നമ്പറുകളാണ് ഇവ എന്നറിയാമല്ലോ (സംശയമുള്ളവര്‍ ടി-സ്റ്റോപ് സ്കെയിലുകള്‍ എന്ന അദ്ധ്യായം ഒരിക്കല്‍കൂടി നോക്കൂ).

ഈ പരീക്ഷണത്തില്‍നിന്നും, വിവിധമീറ്ററിംഗ് മോഡുകളില്‍ ക്യാമറ യഥാര്‍ത്ഥത്തില്‍ ചെയ്യുന്നത് എക്സ്പോഷറില്‍ വരുത്തുന്ന ചെറിയ ചെറിയ മാറ്റങ്ങള്‍ മാത്രമാണെന്ന് മനസ്സിലായല്ലോ. അതല്ലാതെ ഫോട്ടോഗ്രാഫുകളുടെ ചിലപ്രത്യേകഭാഗങ്ങളില്‍ വരുത്തുന്ന ലൈറ്റ് എഫക്റ്റുകളല്ല.


സംഗ്രഹം:

1. ഒരു ഫോട്ടോഗ്രാഫിന്റെ ഭംഗി, പെര്‍ഫക്ഷന്‍ എന്നിവയൊക്കെ അതിന്റെ എക്സ്പോഷര്‍ വാല്യുവിനെ ആശ്രയിച്ചിരിക്കുന്നു.

2. ഒരു ഫ്രെയിമിന്റെ കൃത്യമായ എക്സ്പോഷര്‍ വാല്യു നിര്‍ണ്ണയിക്കുന്നത് ക്യാമറയിലെ എക്സ്പോഷര്‍ മീറ്റര്‍ (ലൈറ്റ് മീറ്റര്‍) ആണ്. ഈ മീറ്റര്‍ ഫ്രെയിമിന്റെ ഏതുഭാഗത്താണ് കൂടുതല്‍ ശ്രദ്ധപതിപ്പിക്കേണ്ടത് എന്ന് ക്യാമറയോട് ഫോട്ടൊഗ്രാഫര്‍ക്ക് “പറയുവാനുള്ള” സംവിധാനമാണ് മീറ്ററിംഗ് മോഡുകള്‍. സോണ്‍ മീറ്ററിംഗ് സാങ്കേതികവിദ്യയുടെ പ്രത്യേകത കാരണം ഏറക്കുറെ എല്ലാ സാഹചര്യങ്ങളിലും ഒരു സ്റ്റാര്‍ട്ടിംഗ് പോയിന്റ് എന്ന നിലയില്‍ അത് അനുയോജ്യമാണ്.

3. ആധുനിക ക്യാമറകളില്‍ സോണ്‍ മീറ്ററിംഗ് മോഡ് മിക്കവാറും എല്ലാ ഫോട്ടോഗ്രാഫുകളിലും ഒരു ബാലന്‍സ്ഡ് ഇമേജ് തരും. എങ്കിലും എല്ലാ ഫോട്ടോഗ്രാഫുകള്‍ക്കും സോണ്‍ മീറ്ററിംഗ് അനുയോജ്യമാവണമെന്നില്ല. അപ്പോള്‍ മറ്റു മീറ്ററിംഗ് മോ‍ഡുകള്‍ ഉപയോഗിക്കാം. സാങ്കേതികമായി, ഫ്രെയിമിലെ പ്രധാനഭാഗത്തിന് ഏറ്റവും അനുയോജ്യമായ ഒരു എക്സ്പോഷര്‍ വാല്യു ആണ് മീറ്ററിംഗ് മോഡ് സെലക്ഷനിലൂടെ നാം എളുപ്പവഴിയില്‍ കണ്ടുപിടിക്കുന്നത്. ചിലപ്പോള്‍ ഫ്രെയിം മുഴുവനും ഒന്നുപോലെ പ്രധാനമാവാം, മറ്റുചിലപ്പോള്‍ ഫ്രെയിമിന്റെ ചിലഭാഗങ്ങളാവാം പ്രധാനം.

ഒരിക്കല്‍ നിശ്ചയിച്ച എക്സ്പോഷര്‍ വാല്യൂവില്‍ നിന്ന് ചെറിയ മാറ്റങ്ങള്‍ വരുത്തുവാനുള്ള എളുപ്പവഴിയാണ് എക്സ്പോഷര്‍ കോമ്പന്‍സേഷന്‍. ഇത് എല്ലാ ഡിജിറ്റല്‍ ക്യാമറകളിലും ലഭ്യമായ ഒരു സംവിധാനമാണ്. അതിനെപ്പറ്റി അടുത്ത പാഠത്തില്‍.


Camera, Canon, Nikon, Fujifilm, Olympus, Kodak, Casio, Panasonic, Powershot, Lumix, Digital Camera, SLR, Megapixel, Digital SLR, EOS, SONY, Digial zoom, Optical Zoom

48 comments:

അപ്പു February 25, 2009 at 11:29 AM  

എക്സ്പോഷര്‍ കോമ്പന്‍സേഷന്‍ മീറ്ററിംഗ് മോഡുകള്‍ എന്നിവയെപ്പറ്റി വിശദീകരിക്കുന്ന ഒരു പോസ്റ്റ്

ശ്രീ February 25, 2009 at 1:03 PM  

വളരെയധികം കാര്യങ്ങള്‍ വിശദമായി തന്നെ വിവരിച്ചിരിയ്ക്കുന്നു... നല്ല പോസ്റ്റ് എന്ന് എടുത്തു പറയേണ്ടതില്ലെങ്കിലും നന്നായി എന്ന് പറയാതെ പോകുന്നതെങ്ങനെ?

ഉദാഹരണങ്ങളിലൂടെ വിവരിച്ചതിനാല്‍ എളുപ്പത്തില്‍ മനസ്സിലാക്കാനങ്കഴിഞ്ഞു, നന്ദി.

Muneer February 25, 2009 at 3:15 PM  

വളരെ നന്നായിരിക്കുന്നു. ഒന്നും പറയാതെ പോവാന്‍ തോന്നുന്നില്ല.
ഇനി ഇതെല്ലാം ഒന്ന് ട്രൈ ചെയ്തു നോക്കണം. നന്ദി മാഷേ, നന്ദി.

ശ്രീനാഥ്‌ | അഹം February 25, 2009 at 4:03 PM  

കലക്കി അപ്പുവണ്ണാ. പക്കേങ്കി, അടുക്കുംതോറും അകലം കൂടുന്ന ഒരു കുണാണ്ട്രാണല്ലോ ഇത്, സംശയങള്‍ പിന്നേം ബാക്കി.

സപ്പോസ്, ഞാന്‍ സ്പോട്ട് മീറ്ററിങ് സെലക്റ്റ് ചെയ്ത്, ഒരു ഒബ്ജക്റ്റ് ഫോക്കസ് ചെയ്തു, എന്നിട്ട് ഫോക്കസ് പോകാതെ ഫ്രയിം റികമ്പോസ് ചെയ്തു, ഇപ്പോള്‍ സ്പോട്ട് മീറ്ററിങ് നേരത്തെ ഫൊക്കസ് ചെയ്ത ഒബ്ജക്റ്റിനെ കണക്കിലെടുക്കുമോ അതോ ഇപ്പൊഴുള്ള പുതിയ ഫ്രെയിമിന്റെ നടുഭാഗമോ? സശയം ടെസ്റ്റ് ചെയ്യാന്‍ തല്‍ക്കലം സാധിക്കാത്തതിനാലാണ്.

ഇനി, ഞാന്‍ എടുത്ത എന്റെ ബൈക്കിന്റെ പടം നോക്കൂ
http://1.bp.blogspot.com/_pd84dB_55gM/SaUxylUL0HI/AAAAAAAAGnY/aCKE-uA4EVA/s800/IMG_1778.jpg
രാവിലെ 7 മണിയോട് കൂടി എടുത്തതാണ്. സ്വാഭഹവികമായും സൂര്യഭഗവാന്റെ തിളക്കത്തിനേക്കാല്‍ എനിക്കാവശ്യം എന്റെ പുത്തന്‍ വണ്ടി തെളിഞു നില്‍ക്കലായിരുന്നു. ശരിയയയില്ല. ഈ കോമ്പന്‍സേഷന്‍ കിട്ടുന്ന പരിപാടി ഒന്നും അറിയില്ലായിരുന്നേയ്. ഈ പടം എങിനെ ഞാനുദ്ധേശിച്ച പോലെ എടുക്കാം? ഫ്ലാഷും ഇട്ടു നോക്കി. അലമ്പായത് മിച്ചം.

അപ്പു February 25, 2009 at 4:12 PM  

ശ്രീനാഥെ.. ഇതൊരു സിമ്പിള്‍ കാര്യമല്ലേ.. ഈ സീന്‍ ക്യാമറ എങ്ങനെയാണ് കാണുന്നതെന്നു നോക്കൂ. മുകളില്‍ അത്യുജ്വലമായി ജ്വലിക്കുന്ന സൂര്യന്‍. താഴെ ഒരു ബൈക്ക്. ശ്രീനാഥ ആരെയാണ് സ്പോട്ട് മീറ്റര്‍ ചെയ്തത്.? സൂര്യനെയോ ബൈക്കിനെയോ? ഞാന്‍ പോസ്റ്റില്‍ പറഞ്ഞല്ലോ, സ്പോട്ട് മീറ്റര്‍, സെന്റ്ര വെയ്റ്റഡ് മീറ്ററിംഗ്, മാട്രിക്സ് മീറ്ററിംഗ് ഇതെല്ലാം സംഗതി ഒന്നുതന്നെ. സ്പോട്ട് തിരഞ്ഞെടുത്തതുകൊണ്ട് പടത്തിന്റെ നടുക്കോ സ്പോട്ട് ആദ്യം മെഷര്‍ ചെയ്ത സ്ഥലത്തോ ഒരു സ്പെഷ്യല്‍ എഫക്റ്റും പ്രതീക്ഷക്കണ്ടാ. കാരണം ഇത് രണ്ട് എക്ട്രീം എന്റാണ്. ഈ ചിത്രത്തില്‍ നിന്ന് സൂര്യനെ ഒഴിവാക്കി ബൈക്കും വെയിലും എടുത്തുനോക്കൂ. അല്ലെങ്കില്‍ ബൈക്ക് ഒരു സില്ലൌട്ട് ആക്കിക്കൊണ്ട് സൂര്യനെ സ്പോട്ടില്‍ മെഷറ് ചെയ്തുകൊണ്ട് ചിത്രമെടുത്തുനോക്കൂ.

രണ്ടായാലും ആദ്യം മെഷര്‍ ചെയ്യുമ്പോള്‍ അപ്പര്‍ച്ചര്‍, ഷട്ടര്‍ വാല്യൂ കാണാമല്ലോ. അത് കുറിച്ചു വയ്ക്കുക. എന്നിട്ട് മാനുവലായ് ഈ വില ക്യാമറയ്ക്ക് നല്‍കിയാലും മതി. ഇനി അതെല്ലെങ്കില്‍ എക്സ്പോഷര്‍ ലോക്ക് ഉപയോഗിക്കാം (അടുത്ത അദ്ധ്യായം വരെ കാക്കൂ).

എക്സ്പോഷര്‍ കോമ്പന്‍സേഷന്‍ എങ്ങനെയെന്ന് ഒന്നുകൂടി വായിച്ചു നോക്കിയിട്ട് ഒന്നു ചെയ്തുനോക്കൂ. സ്പോട്ട് മീറ്ററിംഗ് വേണ്ട. മാട്രിക്സ് തന്നെ ഉപയോഗിച്ച് ആദ്യം ഇ.വി മെഷര്‍ ചെയ്തിട്ട് വേണ്ട അഡ്ജസ്റ്റ് മെന്റ് നടത്തിയാല്‍ മതി.

അപ്പു February 25, 2009 at 4:54 PM  

ശ്രീനാഥിന്റെ ക്യാമറ ഏതാണ്?

ഓ.ടോ. ഒരറിയിപ്പ്: ശ്രീ ലാലപ്പന്‍ ഇവിടെയെങ്ങാനും ഉണ്ടെങ്കില്‍ എത്രയും വേഗം സ്റ്റേജിന്റെ പിന്നില്‍ എത്തേണ്ടതാണ്. എന്നിട്ട് ശ്രീനാഥിന്റെ ബൈക്ക് ഒന്നു ഫ്രെയിമിലാക്കിക്കൊണ്ടുവരൂ

ശ്രീനാഥ്‌ | അഹം February 25, 2009 at 7:51 PM  

പുടികിട്ടിക്കൊണ്ടിരിക്കുന്നു....

എന്റെ ക്യാമറ കാനണ്‍ S3 IS.

ശ്രീലാല്‍ February 25, 2009 at 7:58 PM  

ഞാനിവിടുണ്ടേ.. മൊത്തം ഒന്ന് ഇരുത്തി വായിച്ചിട്ടേ മിണ്ടൂ..

ഹരീഷ് തൊടുപുഴ February 25, 2009 at 9:19 PM  

ഞാനിപ്പ വന്നേയുള്ളേ; വായിച്ചിട്ട് വരാവേ....

പൈങ്ങോടന്‍ February 25, 2009 at 10:33 PM  

സോണ്‍ മീറ്ററിംഗ് ഉപയോഗിച്ചെടുക്കുന്ന ചിത്രങ്ങളുടെ എല്ലാ ഭാഗങ്ങളും ഭംഗിയായി എക്സ്പോസ്ഡ് ആയിട്ടുണ്ടാവുമെന്നും, സെന്റര്‍ വെയ്റ്റഡ് മീറ്ററിംഗില്‍ എടുത്ത ചിത്രങ്ങളുടെ മധ്യഭാഗത്തുമാത്രം കൂടുതല്‍ ലൈറ്റ് ഉണ്ടാവുമെന്നും മറ്റും ധരിച്ചുവച്ചിട്ടുള്ള ഫോട്ടോഗ്രാഫര്‍മാര്‍ ധാരാളം ഹ ഹ ഹ. വളരെ ശരി. ഞാനും ദാ ഈ നിമിഷം വരെ അങ്ങിനെ തന്നെയാ വിചാരിച്ചിരുന്നത് :)

വിവിധ മീറ്ററിങ്ങ് മോഡുകള്‍ ഉപയോഗിക്കുമ്പോള്‍ ഒന്നോ അധിലധികമോ ഭാഗങ്ങള്‍ ഓവര്‍ എക്സ്പോസ്ഡ് ആയി പോകുമെന്ന് പറഞ്ഞല്ലോ. ഉദാഹരണത്തിന് 24 ചതുരങ്ങളിലായി കൊടുത്തിരുന്ന അമ്മൂമ്മയുടെ ചിത്രത്തില്‍ തലയിലെ ഒരു ഭാഗം ഓവര്‍ എക്സ്പോസ്ഡ് ആണ്. ഇതൊഴിവാക്കാന്‍ ക്യാമറയില്‍ തന്നെ എന്തെങ്കിലും മാര്‍ഗം ഉണ്ടോ? അതോ ഏതെങ്കിലും എഡിറ്റിങ്ങ് സോഫ്റ്റ് വെയര്‍ ഉപയോഗിച്ചു മാത്രമേ മാറ്റാന്‍ സാധിക്കുകയുള്ളൂ?

എക്സ്പോഷര്‍ കോമ്പന്‍സേഷന്‍ മോഡ് ഞാന്‍ ഉപയോഗിക്കാറുണ്ടെങ്കിലും അതിന്റെ ടെക്നിക്കാലിറ്റി ഒന്നും ഇതുവരെ അറിയില്ലായിരുന്നു. വെളിച്ചം കൂടുതല്‍ ഉള്ളപ്പോള്‍ നെഗറ്റീവും കുറവുള്ളപ്പോള്‍ പോസറ്റീവും ആക്കും. ഹ ഹ ഹ

പിന്നെ വിവിധ എക്സ്പോഷറില്‍ എടുത്ത ചിത്രങ്ങള്‍ ഉപയോഗിച്ചല്ലേ HDR ഇമേജ് ഉണ്ടാക്കുന്നത്. അതിനെക്കുറിച്ച് ഒന്നു പറഞ്ഞു തരണം മാഷേ

ഒന്നുരണ്ടു വട്ടം കൂടി വായിച്ചിട്ട് ഇനീം വരാം. പിന്നെ ലാലാപ്പാ, യേതാ ലെന്‍സ്, ആ പോര്‍ട്രെയിറ്റ് കിടു ആയിട്ടുണ്ട്

ശ്രീലാല്‍ February 25, 2009 at 10:58 PM  

പെട്ടന്ന് തോന്നിയ ഒരു സംശയം ചോദിച്ചോട്ടെ,
നമ്മള്‍ തിരഞ്ഞെടുക്കുന്ന മീറ്ററിംഗ് ആണ് എക്സ്പോഷര്‍ വിലകള്‍ തീരുമാനിക്കുന്നതെങ്കില്‍ മാനുവല്‍ മോഡില്‍ മീറ്ററിംഗിനു എന്താണ് പ്രസക്തി ? അവിടെ അപ്പേര്‍ച്ചര്‍ വലിപ്പവും ഷട്ടര്‍സ്പീഡും നമുക്ക് ഫിക്സ് ചെയ്യാമല്ലോ. മാനുവല്‍ മോഡില്‍ വിവിധ മീറ്ററിംഗുകളില്‍ എടുത്താല്‍ ഒരു വ്യത്യാസവും കാണുന്നുമില്ല.

ശ്രീലാല്‍ February 25, 2009 at 11:20 PM  

നാഥേ , ബൈക്കിന്റെ ചിത്രം കണ്ടിട്ട് സങ്കടം വന്നുപോയി :) വിഷമം മനസ്സിലാക്കുന്നു. നമ്മള്‍ ഒന്ന് ആഗ്രഹിക്കുന്നു ദൈവം മറ്റൊന്ന് കല്പിക്കുന്നു എന്നൊക്കെ കേട്ടിട്ടില്ലേ ? അതുപോലെയൊക്കെത്തന്നെ ക്യാമറയുടെയും കാര്യം. എന്ന് ഞാന്‍ മനസ്സിലാക്കി വരുന്നു. നമ്മള്‍ ഇങ്ങനെ കിട്ടണം .. അങ്ങനെ കിട്ടണം..എന്നൊക്കെ വിചാരിക്കും. ക്യാമറഭഗവാന്‍ മറ്റൊന്ന് കല്പിക്കും.. കിട്ടിയാല്‍ ഊട്ടി ഇല്ലെങ്കില്‍ കൊടൈക്കനാല്‍ ..
ഇനി,
ബൈക്ക് ചിത്രം ശരിയാക്കാന്‍ എന്ത് ചെയ്യണമായിരുന്നു ?
ആദ്യം, സൂര്യനു നേരെ ക്യാമറ പിടിച്ച് എടുക്കാന്‍ പാടില്ലായിരുന്നു. സൂര്യനെ പിണക്കി നമ്മള്‍ ഒരു കാര്യവും ചെയ്യരുത്.
അല്ലാതെ എനിക്കെന്ത് ചെയ്യണമെന്ന് ഒരു ഐഡിയയും കിട്ടുന്നില്ല. (ആകാശത്തിലെ സൂര്യനെ പോരാഞ്ഞിട്ട് വെള്ളത്തിലെ സൂര്യനെയും നീ ഫ്രെയിമില്‍ ആക്കി അല്ലേ പഹയാ..:) )

സൂര്യന്‍, ബൈക്ക്, ഏഴുമണി - ഇതേ കോമ്പിനേഷനില്‍ ഞാന്‍ ഒരു ചിത്രം എടുത്തത് ഇതാ

സൂര്യനെവിടേന്ന് ചോദിച്ചാല്‍ വെള്ളത്തുള്ളികളില്‍ തട്ടി സൂര്യനങ്ങ്ട്..വെട്ടി ത്തിളങ്ങുകയല്ലേ..;)
http://3.bp.blogspot.com/_kU5Hcx5U5VM/SaWY8qMtsII/AAAAAAAACrg/anPWBxa3S30/s1600-h/DSC_5197.JPG

അപ്പൂസ്, എക്സ്പോഷര്‍ കോമ്പന്‍സേഷന്‍ മാറ്റിയാല്‍ നാഥിന്റെ ചിത്രത്തില്‍ ബൈക്ക് തെളിഞ്ഞുവരുമോ ? അപ്പൊഴേക്കും പുറകിലെ സൂര്യന്റെ ആപ്പീസ് അടിച്ചുപോവില്ലേ ?

ഹരീഷ് തൊടുപുഴ February 25, 2009 at 11:22 PM  

ശ്രീലാലപ്പന്‍ ചോദിച്ച സംശയം എനിക്കുമൂണ്ട് ട്ടോ അപ്പുവേട്ടാ??

ഹരീഷ് തൊടുപുഴ February 26, 2009 at 7:20 AM  

പ്രകാശകിരണങ്ങളെ അതിന്റെ പൂര്‍ണ്ണതയോടു കൂടി ഒപ്പിയെടുക്കാന്‍ മാനുവല്‍ മോഡിനേക്കാള്‍ നല്ലത് ആപ്രേച്ചര്‍ പ്രൈയോരിറ്റി മോഡ് തനെയാണ്. ശ്രീലാല്‍ ചോദിച്ചില്ലേ ഒരു സംശയം, അതു സത്യമാണെന്നാണ് എനിക്കും തോന്നുന്നത്. മാനുവലിലിട്ടെടുക്കുമ്പോള്‍ മീറ്റെറിങ്ങ് മോഡുകളില്‍ ചിത്രങ്ങള്‍ക്കു വരുന്ന വ്യത്യാസം അനുഭവപ്പെടുന്നതേയില്ല.

ഈ സംഭവം നന്നായിട്ട് മനസിലാകണമെങ്കില്‍, ഒരു ഫ്രേയിം പലവിധത്തില്‍ പല സമയങ്ങളില്‍ ആവര്‍ത്തിച്ചവര്‍ത്തിച്ചെടുത്ത് പഠിക്കേണിയിരിക്കുന്നു. ഏതായാലും ഈ അനുഭവം പുതിയ ഒരു വഴിത്തിരിവ് തന്നെയാണ് എനിക്കുണ്ടക്കിത്തന്നത്. മോളുടെ ചിത്രങ്ങള്‍ പിന്നീട് സ്പോട്ടില്‍ എടുത്ത് നോക്കിയിരുന്നു. വെയില്‍ മുഖത്ത് പതിക്കുമ്പോള്‍ ലഭിക്കുന്ന നിഴല്‍ ഒപ്പിയെടുത്തപ്പോള്‍ എനിക്കുകിറ്റിയ സംതൃപ്തി പറഞ്ഞറിയിക്കാനാവില്ല. ഇനിയും കൂടുതല്‍ കൂടുതല്‍ പരീക്ഷണങ്ങള്‍ നടത്തിനോകിയാല്‍ മാത്രമേ ഈ തീയററ്റിക്കല്‍ മനസ്സിലേക്ക് ആഴത്തില്‍ ചൂഴ്നു നില്‍ക്കുകയുള്ളൂ. സത്യത്തില്‍ ഒരിക്കലും മടുക്കുകയില്ല ഈ അദ്ധ്യായത്തിലെ വിശദാംശങ്ങള്‍ പ്രയോജനപ്പെടുത്തിയാല്‍..പുതിയ പുതിയ പരീക്ഷണങ്ങള്‍ നടത്താന്‍ അതു നമ്മെ പ്രാപ്തരാക്കും.
അപ്പുവേട്ടന്റെ പ്രതിഫലേച്ഛ പ്രതീക്ഷിക്കതെയുള്ള ഈ നിര്‍വഹണത്തിന് എത്ര നന്ദി പറഞ്ഞാലും മതിയാകില്ല.

ഒന്നുകൂടി നമ്മുടെ നാട്ടിലെ പ്രൊഫെഷണത്സ് ആയ സ്റ്റുഡിയോ ഫോട്ടോഗ്രഫെര്‍മാര്‍ക്ക് പലകും ഇന്നുമറിയില്ല എന്താണ് മീറ്റെറിങ്ങ്?, ആപ്രേച്ചര്‍ മോഡ് എന്താണ്? എക്സ്.കോമ്പ് എന്തിനാണ്? ഡി.ഓ.എഫ് എന്താണ്?
അവര്‍ പല്രും ഇന്നും ചെയ്യുന്നതെന്തണെന്നറിയമോ? മാനുവലിലിട്ട് ഫോക്കസ്സ് ആട്ടോയിലുമിട്ട് ഫ്ലാഷട്ച്ച് തകര്‍ക്കുക!!

ശ്രീനാഥ്‌ | അഹം February 26, 2009 at 7:48 AM  

ബട്ട് ലാലണ്ണാ, എനിക്കാ സൂര്യനും ചിത്രത്തില്‍ വേണം. അതല്ലെ പുകില്‍. ചിലയിടത്ത് വായിച്ചത് ഫ്ലാഷിന്റെ ശക്തി ഒരല്‍പ്പം കുറച്ച് (അങനെയും ഒരു പരിപാടി അതേലുണ്ടല്ലോ) കീച്ചുന്നതാണ്. അങനെ കീച്ചിയപ്പോ എന്റെ നല്ല പുത്തന്‍ ബൈക്ക് മൊത്തം ഒരു അരണ്ട മഞ കളറായി.

ചുരുക്കി പാറഞാ എന്റെയാ സയിം ഫ്രേമില്‍ ബൈക്കിനെ പൊളപ്പിക്കാന്‍ വഴിയൊന്നുമില്ലേ? നോക്കക്ട്ടെ. അപ്പുവണ്ണന്റെ പാഠങള്‍ അടുത്ത തവണ ഒരോ താളുകളായി പരീക്ഷിക്കണം. എന്റെ പാ‍വം ക്യാമറ താങുവോ എന്തരോ.

പിന്നെ, ലാലണ്ണന്റെ ആ ബൈക്ക് പടം മോശമൊന്നുമല്ലല്ലൊ. കിടുവല്ലെ. വന്നവഴിയേ പോയില്ലെങ്കി പോയവഴിയേ... യേത്..

ഹരീഷ് തൊടുപുഴ February 26, 2009 at 8:46 AM  

ശ്രീനാഥെ;എടുക്കാന്‍ പറ്റും എന്നാണെനിക്ക് തോന്നുന്നത്...
e-mail ID ഒന്നു തരാമോ?
ഞാന്‍ ഒരു ചിത്രം അയച്ചുതരാം...

അപ്പു February 26, 2009 at 10:16 AM  

എന്റെ പ്രിയ സഹപാഠികളേ... ചിലചോദ്യങ്ങള്‍ കേട്ട് ശരിക്കും ‘സങ്കടം’വരുന്നു :-) !!

“മാനുവല്‍ മോഡില്‍ ഫോട്ടോ എടുക്കുമ്പോള്‍ എന്തുകൊണ്ടാണ് മീറ്ററിംഗ് മോഡുകള്‍ പ്രവര്‍ത്തിക്കാത്തത് ? ഒരു ചിത്രത്തിലെ ഓവര്‍ എക്സ്പോസ്ഡ് ആയ ഭാഗങ്ങള്‍ അങ്ങനെയല്ലാതാക്കാന്‍ ക്യാമറയില്‍ എന്തെങ്കിലും മാര്‍ഗ്ഗങ്ങള്‍ ഉണ്ടോ” തുടങ്ങിയ ചോദ്യങ്ങള്‍.

പരിഭവിക്കണ്ടാ കേട്ടോ. എക്സ്പോഷര്‍ എന്നാല്‍ എന്താണ് എന്നതിന്റെ ശരിയായ ‘ഐഡിയ’ ഞാന്‍ ഇത്രയൊക്കെ പറഞ്ഞിട്ടും കിട്ടുന്നില്ല്ലല്ലോ എന്നതുകൊണ്ടാണ് എന്റെ സങ്കടം.

ഈ പോസ്റ്റിലും പല പോസ്റ്റിലും പറഞ്ഞല്ലോ, ഫോട്ടോഗ്രാഫിയുടെ ബേസിക് പ്രിന്‍സിപ്പിള്‍ ആണ് എക്സ്പോഷര്‍. ഒരു അപ്പര്‍ച്ചര്‍ വാല്യുവും, ഷട്ടര്‍ വാല്യുവും ചേര്‍ന്ന വില. ഇത് എത്രത്തോളം ഫലപ്രദമായി നിര്‍ണ്ണയിക്കാം എന്നതിനെ ആശ്രയിച്ചാണ് ഓരോ ഫോട്ടോഗ്രാഫിന്റെയും തെളിച്ചവും ഇരുട്ടും. പക്ഷേ പാവം ക്യാമറയ്ക്ക് മനുഷ്യ നേത്രം പോലെ ഒരു രംഗത്തിന്റെ പ്രകാശ വിന്യാസങ്ങളെ നോക്കുന്ന പോയിന്റനുസരിച്ച് വേര്‍തിരിക്കുവാന്‍ വേണ്ട അത്ഭുത കഴിവൊന്നും ഇല്ല. നിലവിലെ സാങ്കേതിക വിദ്യയില്‍ ഒരിക്കലും അത് സാധിക്കുകയുമില്ല.അതുകൊണ്ട് (പൈങ്ങോടന്റെ ചോദ്യത്തിന്റെ ഉത്തരം) ഒരു ഫ്രെയിമിലെ വ്യത്യസ്ത ഭാഗങ്ങളില്‍, ഫോട്ടോ എടൂക്കുമ്പോഴുള്ള രംഗത്തെ പ്രകാശത്തിന് ചില ഏരിയകളില്‍ വലിയ കൂടുതലോ, മറ്റു ചില ഏരിയകളില്‍ വലിയ കുറവോ ഉണ്ടെങ്കില്‍ അതിനെ എക്സ് പോഷര്‍ പ്രിന്‍സിപ്പിള്‍ ഉപയോഗിച്ച് ഒരു ബാലസില്‍ ആകൂവാന്‍ പ്രായോഗികമായി സാധ്യമല്ല. ശ്രീനാഥിന്റെ ബൈക്കിന്റെ ചിത്രം നോക്കൂ. ഒരു വശത്ത് സൂര്യന്‍ എന്ന അത്യുജ്വല പ്രകാശ സ്രോതസ്. സാധാരണഗതിയില്‍ ഒരു 1/2000 ഓ അതിലധികമോ എന്നൊക്കെ ഷട്ടര്‍ സ്പീഡ് വേണ്ടിവരുന്ന ഒരു പ്രകാശ സ്രോതസ്. ഓര്‍ക്കുക ഒരു സെക്കന്റിനെ രണ്ടായിരത്തിലൊന്ന് സമയം മതി സൂര്യനെ കൃത്യമായി എക്സ്പോസ്ഡ് ആക്കുവാന്‍ (ഉദാ ആണേ). മറുവശത്ത് ശ്രീനാഥിന്റെ ബൈക്ക്. സൂര്യന്‍ അതിനെ പിന്നിലായതിനാല്‍ ഫോട്ടോയെടുക്കുവാന്‍ ഉദ്ദേശീക്കുന്ന വശത്ത് ആവശ്യത്തിന് പ്രകാശവുമില്ല. ഒരു 1/125 നു താഴെ ഷട്ടര്‍ സ്പീഡ് ആവശ്യമുള്ള ഒരു സിറ്റുവേഷന്‍ എന്നിരിക്കട്ടെ. നോക്കുക ഒരേ ഫ്രെയിമിന്റെ ഒരു വശത്ത് 1/2000 എന്ന ഷട്ടര്‍ സ്പീഡും മറുവശത്ത് 1/125 എന്ന ഷട്ടര്‍ സ്പീഡും. പ്രാക്റ്റിക്കലായി ഇതു സാധ്യമല്ല.

അപ്പോള്‍ ചെയ്യാവുന്ന ചില മറുവഴികളെപ്പറ്റി നമുക്ക് ആലോചിക്കാം. 1/125 എന്ന ഷട്ടര്‍ സ്പീഡിനെ, ബൈക്കിലേക്ക് അല്പം കൂടീ പ്രകാശം മറ്റൊരു സോഴ്സില്‍ നിന്ന് പതിപ്പിച്ചു കൊണ്ട് ഒരു 1/800 എന്നോമറ്റൊ ആക്കീയെടുത്താലോ? ഫ്ലാഷ്, കുറേ റിഫ്ലക്റ്റര്‍ ലൈറ്റുകള്‍, അല്ലെങ്കില്‍ സണ്‍ലൈറ്റ് റിഫ്ലക്റ്ററുകള്‍ എന്നിവയൊക്കെ വച്ച് ബൈക്കിനെ പ്രകാശിപ്പിക്കുന്നുവെന്നിരിക്കട്ടെ. അങ്ങനെയാവുമ്പോള്‍ ഫ്രെയിമിന്റെ രണ്ടറ്റത്തുമുള്ള ഷട്ടര്‍ സ്പീഡ് വ്യത്യാസം അത്രയധികമല്ലാതെവരുന്നു. നല്ലൊരു ചിത്രം ലഭിക്കുകയും ചെയ്യൂം. അപ്പോള്‍, മനസ്സീലാക്കേണ്ട കാര്യം ഇത്രയേ ഉള്ളൂ. ഒരു ഫ്രെയിമിന്റെ വിവിധ ഭാഗങ്ങളിലുള്ള പ്രകാശവിന്യാസം തമ്മിലുള്ള ഷട്ടര്‍ സ്പീഡ് വ്യത്യാസം ഒരു മൂന്ന് ഫുള്‍ ഷട്ടര്‍ സ്റ്റോപ്പുകള്‍ക്ക് വെളിയില്‍ ആണെങ്കില്‍ ആ ഫോട്ടോ (മറ്റു ലൈറ്റ് സോഴ്സുകള്‍ ഇല്ലാതെ) വെല്‍ ബാലസ് ആയി കിട്ടുവാന്‍ ബുദ്ധിമുട്ടുണ്ട് എന്നാണ് എനിക്ക് തോന്നുന്നത്. പ്രൊഫഷനല്‍ ഫോട്ടോഗ്രാഫര്‍മാര്‍ ആരെങ്കിലും ഇതില്‍ ഒരു അഭിപ്രായം പറഞ്ഞിരുന്നുവെങ്കില്‍ നന്നായിരുന്നു.

മീറ്ററിംഗ്... എന്തുകൊണ്ടാണ് മാനുവല്‍ മോഡീല്‍ ഇത് പ്രവര്‍ത്തിക്കാത്തത്? ഒന്നു ചിന്തിച്ചു നോക്കൂ. മീറ്ററിംഗ് എന്നാല്‍ ക്യാമറ സ്വയം ബെസ്റ്റ് എക്പോഷര്‍ നിര്‍ണയിക്കുകയാണ്. മാനുവല്‍ മോഡില്‍ ക്യാമറയ്ക്ക് യാതൊരു വിധ കണ്ട്രോളുകളിലും കൈവയ്ക്കാനാവില്ല. അവിടെ നമ്മള്‍ തന്നെയാണ് ലൈറ്റ് മീറ്റര്‍ നോക്കിക്കൊണ്ട് എക്സ്പ്സോഷര്‍ വില നിര്‍ണ്ണയിക്കേണ്ടത്. അത് ഓവര്‍ എക്സ്പോഷര്‍ ആയാലും, അണ്ടര്‍ എക്സ്പോഷര്‍ ആയാലും, ലെന്‍സിന്റെ മൂടീ തുറക്കാതെ ആയാലും ക്യാമറ ആ ഫ്രെയിം ‘ക്ലിക് ആക്കി’ കൈയ്യില്‍ തരും. ശരിയല്ലേ. അപ്പോള്‍ ആ മോഡില്‍, മീറ്ററിംഗ് മോഡുകള്‍ പ്രവര്‍ത്തിക്കുന്നുണ്ടെന്ന് പ്രതീക്ഷിക്കുന്നത് എന്തിനാണ്? !! മാനുവല്‍ മോഡില്‍ ഇങ്ങനെയുള്ള യാതൊരു ഓട്ടോമാറ്റിക് മൊഡുകള്‍ം പ്രവര്‍ത്തിക്കുന്നില്ല.

ശ്രീനാഥിന്റെ ക്യാമറയ്ക്ക് എസ്.എല്‍.ആറോളം പോന്ന ശേഷി ഇല്ലെങ്കിലും ഈ പരീക്ഷണങ്ങളൂക്കെ ആവാം.

ഹരീഷിന്റെ ഫോട്ടോ ഇ.മെയിലില്‍ അയച്ചത് ശരിയായില്ല. എല്ലാവരേയ്ം കാണിക്കൂ ഹരീഷ്. ഇതുശരിയല്ല !!

ലാലപ്പന്‍ ഹരീഷ്, രണ്ടാള്‍ക്കും നന്ദി, ഈ പരീക്ഷണങ്ങളില്‍ ഇത്രയും ഭംഗിയായി സഹകരിക്കുന്നതിന്.

ഞാന്‍ ഉത്തരം പറഞ്ഞ രീതി അല്പം ‘ഹാര്‍ഷ്’ ആയിപ്പോയോ :-)

പൈങ്ങോടന്‍ February 26, 2009 at 9:35 PM  

ഇപ്പോള്‍ എല്ലാം ക്ലിയറായി അപ്പൂ.. അവസാനം കമന്റായി ഇട്ട മറുപടിയിലെ പ്രസ്ക്ത ഭാഗങ്ങള്‍ പോസ്റ്റില്‍ കൂട്ടിച്ചേര്‍ത്താല്‍ നന്നായിരിക്കുമെന്ന് തോന്നുന്നു
പിന്നെ ഉത്തരം പറഞ്ഞ രീതി ഹാര്‍ഷായെന്ന് ആരു പറഞ്ഞു . അങ്ങിനെ ഒരു തോന്നലേയില്ല

ശ്രീലാല്‍ February 26, 2009 at 10:45 PM  

ഹ.ഹ. അപ്പൂസേ, ഈ ചോദ്യമെല്ലാം കേട്ട്ട്ട് സങ്കടം വരുന്നുണ്ടെങ്കില്‍ എന്റെ യഥാര്‍ത്ഥ ചോദ്യങ്ങള്‍ കേട്ടിരുന്നെങ്കില്‍ മാറത്തടിച്ച് നിലവിളിച്ച് പോയേനേ.. :)

മീറ്ററിംഗിന്റെ പ്രാക്ടിക്കല്‍ സൈഡ് ശരിക്കും ഇപ്പൊഴാണ് മനസ്സിലാക്കുന്നത്. ഫോട്ടോ എടുത്ത് പഠിക്കലേ രക്ഷയുള്ളൂ, ഇത് മനസ്സിലാക്കാന്‍.

മാനുവല്‍ മോഡില്‍ അപ്പോള്‍ എന്തിനാ മീറ്ററിംഗ് ഓപ്ഷന്‍ വച്ചിരിക്കുന്നത് ..?

അപ്പേര്‍ച്ചര്‍ പ്രയോറിറ്റിയില്‍ വച്ച് ഫോട്ടോ എടുക്കുമ്പോള്‍ അതിന്റെ ഷട്ടര്‍ സ്പീഡ് തീരുമാനിക്കുന്നതും , ഷട്ടര്‍ പ്രയോറിറ്റി മോഡില്‍ ഫോട്ടോ എടുക്കുമ്പോള്‍ അപ്പേര്‍ച്ചര്‍ വലിപ്പം തീരുമാനിക്കുന്നതും അപ്പോള്‍ ഉപയോഗിച്ചിരിക്കുന്ന മീറ്ററിംഗ് ആണ് എന്ന് പറയാമല്ലോ അല്ലെ ?

അപ്പേര്‍ച്ചര്‍ പ്രയോറിറ്റിയില്‍ വച്ച് എക്സ്പോഷറ് കോമ്പന്‍സേഷന്‍ മാറ്റിയാല്‍ ഷട്ടര്‍ സ്പീഡില്‍ ആണ് മാറ്റം വരുന്നതെന്നും
ഷട്ടര്‍ പ്രയോറിറ്റിയില്‍ വച്ച് എക്സ്പോഷര്‍ കോമ്പനേഷന്‍ മാറ്റിയാല്‍ അപ്പേര്‍ച്ചര്‍ വലിപ്പവും ആണ് പോസ്റ്റില്‍ പറഞ്ഞ സ്കെയിലില്‍ മാറുന്നത് എന്നത് മനസ്സിലാക്കിത്തന്നതിന് അപ്പൂസിനൊരു ഹാറ്റ്സ് ഓഫ്...

ഞാന്‍ മുകളില്‍ പറഞ്ഞതില്‍ വല്ല മണ്ടത്തരങ്ങളും ഉണ്ടെങ്കില്‍ എന്നെ ഇക്കൊല്ലം പാസാക്കണ്ട.. ഞാനീ ക്ലാസില്‍ തന്നെ ഇരുന്നോളാം.. :) ഒരു കമ്പനിക്ക് ശ്രീനാഥിനെയും പൈങ്ങോടനെയും തോല്‍പ്പിക്കണം എന്ന് കൂടി അപേക്ഷ.. മീശ വച്ച പിള്ളാരെ കണ്ടിട്ടില്ലേ ബാക്ക് ബെഞ്ചിലെ..? ഞാന്‍ ഒത്ത നടുവില്‍ :)

ഹരീഷ് തൊടുപുഴ February 27, 2009 at 8:17 AM  

അപ്പം എന്നാടാ ശ്രീലാലുകുട്ടാ നിങ്ങളെന്നേക്കൂടി നിങ്ങടെ കൂട്ടത്തില്‍ കൂട്ടാത്തെ!!?
കട്ടിമീശായുള്ളതുകൊണ്ടാ??!!!

അപ്പു March 1, 2009 at 7:51 AM  

ശ്രീലാലിന്റെ “മാനുവല്‍ മോഡില്‍ എന്തിനാണ് മീറ്ററീംഗ് വച്ചിരിക്കുന്നത്” എന്ന്ന ചോദ്യത്തിനുള്ള ഉത്തരം : മാനുവല്‍ മോഡില്‍ ലൈറ്റ് മീറ്റര്‍ നോക്കിക്കൊണ്ട് എക്സ്പോഷര്‍ നിര്‍ണ്ണയിക്കുന്നത് ഫോട്ടോഗ്രാഫര്‍ ആണല്ലോ. എങ്കിലും, ലൈറ്റ് മീറ്റര്‍ എവിടേക്കാണ് ശ്രദ്ധകൊടുക്കേണ്ടത്, ഫ്രെയിമിന്റെ നടുക്കാണോ, മുഴുവനും ഏരിയയ്യിലാണോ എന്നൊക്കെ ക്യാമറയെ മനസ്സിലാക്കികൊടുക്കുവാനാവണം മാനുവല്‍ മോഡിലും മീറ്ററിംഗ് കൊടുത്തിരിക്കുന്നത്. ക്യാമറ ഓട്ടാ‍ാമാറ്റികായി ഇവിടെ എക്സ്പോഷര്‍ നിര്‍ണ്ണയിക്കുന്നില്ല താനും.

സുല്‍ |Sul March 1, 2009 at 1:29 PM  

അപ്പുവേ,
വളരെ പരിമിതമായി ഞാന്‍ ഉപയോഗിച്ചിട്ടുള്ള ഒന്നാണ് മീറ്ററിങ്ങ്. അതില്‍ സ്പോട്ട് മീറ്ററിങ്ങ് ആണ് കൂടുതല്‍ ഇഷ്ടം. ആട്ടോമാറ്റിക്കില്‍ നിന്ന് കൂടുതല്‍ വ്യത്യസ്തത കിട്ടുന്നത് സ്പോട്ട് മീറ്ററിങ്ങില്‍ ആണല്ലോ. എന്തായാലും അധ്യായം കലക്കി.

ശ്രീനാഥിന്റെ ബൈക്കും ഒപ്പം സൂര്യനേയും കിട്ടണമെങ്കില്‍ രണ്ടു പടങ്ങള്‍ എടുത്ത് കമ്പെയില്‍ ചെയ്താല്‍ നന്നായിരിക്കും എന്ന് തോന്നുന്നു. ഒരു പടത്തില്‍ തന്നെ രണ്ടും വ്യക്തമാക്കാന്‍ മാര്‍ഗ്ഗമൊന്നുമില്ലെന്നാണറിവ്. ബൈക്കിന്റെ പ്രകാശത്തിനനുസരിച്ച് പടമെടുത്താല്‍ സൂര്യപ്രകാശം വളരെയധികമാവുകയും ചിത്രം മുഴുവന്‍ ഓവര്‍ എക്സ്പോസ്ഡ് ആവുകയും ചെയ്യും. സാധാരണ പ്രകാശമുപയോഗിച്ചാണെങ്കില്‍ ബൈക്ക് ഇതു പോലെ നിഴല്‍ മാത്രമാവുകയും ചെയ്യും. (ഈ പടമെടുക്കുന്നതിനു മുന്‍പ് സൂര്യനെ ഒന്ന് നേരിട്ടു നോക്കിയിരുന്നെങ്കില്‍ അറിയാമായിരുന്നു ഔട്ട്പുട്ട് എന്താകുമായിരുന്നെന്ന് (ബൈക്ക് എങ്ങനെ കാണപ്പെടുമെന്ന്):)). രണ്ടു പടങ്ങളെടുത്തു യോജിപ്പിക്കുകയോ (ഒന്ന് സ്പോട്ട് മീറ്ററിങ് (ബൈക്കിനുമേല്‍) ഒന്ന് ഓട്ടൊ (ലിങ്കിലുള്ള പടം തന്നെ), അല്ലെങ്കില്‍ അനുയോജ്യമായ ലൈറ്റിങ്ങ് സംവിധാനങ്ങള്‍ ഉപയോഗിക്കുകയൊ ചെയ്താല്‍ നല്ല പടം ലഭിക്കും.

-സുല്‍

സതീശ് മാക്കോത്ത്| sathees makkoth March 1, 2009 at 4:20 PM  

അപ്പു,ഇത്രയൊക്കെ എഴുതാൻ എങ്ങനെ സമയം കണ്ടെത്തുന്നു.ഏതായാലും ആ നല്ല മനസ്സിന് ഒരായിരം നന്ദി.
ഏതൊരു കാര്യത്തിന്റേം ഡിറ്റെയിത്സിലോട്ട് പോകാനുള്ള അപ്പുവിന്റെ കഴിവും പരിശ്രമവും പ്രശംസനാർഹം തന്നെ. കീപിറ്റ് അപ്പ് അപ്പു.
ആശംസകളോടെ

EKALAVYAN | ഏകലവ്യന്‍ March 4, 2009 at 3:48 PM  

അപ്പു മാഷേ,
ഞാന്‍ ഒരു പുതിയ ശിഷ്യനാണ് കേട്ടോ.. മാഷിന്റെ ക്ലാസ് ഉഷാരാകുന്നുണ്ട്, അഭിനന്ദനങ്ങള്‍.

പൈങ്ങോടന്‍ March 5, 2009 at 12:56 AM  

എക്സ്പോഷര്‍ ലോക്ക് ചെയ്ത് ശ്രീനാഥിനു ഒന്നു ശ്രമിക്കാവുന്നതാണ്. എക്സ്പോഷര്‍ ലോക്കിങ്ങ് എങ്ങിനെ ചെയ്യാമെന്ന് S3 IS ന്റെ പിഡിഎഫ് മാനുവലില്‍ ഉണ്ട്

ലാലപ്പാ, ഒരാളെ രണ്ടു കൊല്ലത്തില്‍ കൂടുതല്‍ തോല്‍പ്പിക്കാന്‍ പാടില്ല എന്നാ നിയമം :)

NAUTILUS March 10, 2009 at 12:37 PM  

Excellent blog, thanks for sharing!!!

i have a small doubt..

"ഈ ചിത്രം എടുക്കുന്നതിനായി ക്യാമറ സ്വീകരിച്ചിരിക്കുന്ന എക്സ്പോഷര്‍ f/8, 1/250 എന്നതാണ്. ശ്രദ്ധിക്കുക, ആദ്യ മാട്രിക്സ് മീറ്റര്‍ ചിത്രത്തിലേതിനേക്കാള്‍ ഒരുപടി കുറവാണ് ഷട്ടര്‍സ്പീഡ്."

a 1/250 is a higher shutter speed than 1/200, while the fractional value is lower..

i think there's a small chance of your readers getting confused here .. if i just overlooked your earlier posts, i am so sorry..

please have a look at my photos.. i rarely get time to think before i click.. your suggestions will be highly appreciated..

http://www.flickr.com/photos/blue-fern/

Thanks in advance
retheesh

അപ്പു March 10, 2009 at 1:22 PM  

രതീഷ്, കമന്റിനു നന്ദി..

ഈ ബ്ലോഗിലെ പോസ്റ്റുകളില്‍ ചിലയിടത്തൊക്കെ പരമ്പരാഗത ഡെഫനിഷനുകളില്‍ നിന്ന് അല്പം മാറിചിന്തിക്കുവാനും പ്രായോഗികമായി കാര്യങ്ങളെങ്ങനെ എന്ന് മനസ്സീലാക്കുവാനും ഞാന്‍ വായനക്കാരെ ശ്രമിപ്പിച്ചിട്ടുണ്ട് എന്നുതോന്നുന്നു.

ഉദാഹരണത്തിന് ഷട്ടര്‍ സ്പീഡ് സ്കെയിലില്‍ നമ്പറുകള്‍ കൂടുംതോറൂം ഷട്ടര്‍സ്പീഡ് കൂടുന്നു എന്നതിനേക്കാള്‍ പ്രാധാന്യത്തോടെ അവതരിപ്പിച്ചിരിക്കുന്ന പോയിന്റ്, അപ്പോള്‍ ക്യാ‍മറയിലേക്ക് പ്രവേശിക്കുന്ന ലൈറ്റ് കുറയുന്നു എന്നതാണ്. അതുപോലെ അപ്പര്‍ച്ചര്‍ സ്കെയിലില്‍ നമ്പര്‍ കൂടുംതോറൂം അപ്പര്‍ച്ചര്‍ സുഷിരം ചെറുതാകുന്നു എന്ന പരമ്പരാഗത രീതി പറയുന്നതോടൊപ്പം തന്നെ, ഈ സ്കെയിലിലും നമ്പര്‍ കൂടുന്നതിനൊപ്പം ക്യാമറയിലേക്ക് പ്രവേശിക്കുന്ന ലൈറ്റിന്റെ അളവിന് കുറവ് സംഭവിക്കുന്നു എന്നതിനാണ് കൂടുതല്‍ പ്രാധ്യാന്യം നല്‍കിയിരിക്കുന്നത്. ഡെഫനിഷന്‍ ഈ രീതിയില്‍ മനസ്സിലാക്കുമ്പോള്‍, കൂടിയ നമ്പര്‍ കുറഞ്ഞ പ്രകാശം എന്ന കണ്‍സെപ്റ്റ് രണ്ടൂ സ്കെയിലുകളിലും വായനക്കാരന്‍ മനസ്സിലാകുന്നു എന്നു ഞാന്‍ കരുതുന്നു.

രതീഷ് പറഞ്ഞതുപോലെയൊരു കണ്‍ഫ്യൂഷന്‍ ഉണ്ടാവിനിടയുണ്ടെന്ന് വീണ്ടും വായിച്ചപ്പോള്‍ തോന്നുന്നു. അതിനാല്‍ ആ വരിയിലെ ടെര്‍മിനോളജി ഒന്നു മാറ്റിയിട്ടുണ്ട്. അതുപോലെ പോസ്റ്റിന്റെ തുടക്കത്തിലെ പാരഗ്രാഫും അല്പം കൂടി വ്യക്തതയോടെ മാറ്റി എഴുതി.

ഇത് ചൂണ്ടിക്കാണിച്ചതിനു നന്ദി രതീഷ്. താങ്കള്‍ തന്ന ഫ്ലിക്കര്‍ ലിങ്ക് എനിക്ക് തുറക്കുവാന്‍ സാധികില്ല. കാരണം ഇവിടുത്തെ ഐ.പി.യില്‍ ഫ്ലിക്കര്‍ ബ്ലോക്ക്ഡ് ആണ്. ഇങ്ങനെയൊരു ബ്ലോഗ് ഉണ്ടെന്നു കരുതി ഞാനൊരു പ്രൊഫഷനല്‍ ഫോട്ടോഗ്രാഫറാണെന്നു കരുതരുതേ! ഒരു കോച്ചാവാന്‍ നല്ല പ്ലെയറാവണമെന്നില്ലല്ലോ. :-)

dhanesh mankulam March 17, 2009 at 7:22 PM  

അപ്പുഏട്ടാ..... ഞാന്‍ സത്യമായും കരയും ട്ടൊ..... photography യെ കുറിച്ചു കുറേയൊക്കെ മനസ്സിലായി എന്‍ഗ്ഗിലും എവിടെയൊ എന്തൊ ഒരു കുഴപ്പം..... confusion പോലെ..... എന്താ ഇപ്പൊ ചെയ്യ..? എനിക്ക് അതൊക്കെ മനസ്സിലാക്കിയേ മതിയാകൂ..... എനിക്കു അങനെയൊരു camera ഇല്ലാത്തതു കൊണ്ടാവും പ്രയാസം, അല്ലെ.? ഏതായാലും വളരെ ഉപയോഗപ്പ്രതമായി.... നന്ദി.......

dhanesh mankulam March 17, 2009 at 7:26 PM  

ഒരു മധ്യവര്‍ഗ്ഗ (middle class) കുടുംബത്തിനു താങ്ങാന്‍ കഴിയുന്ന വിലയുള്ള നല്ല cameras ഒന്നു പറയാമൊ.? വിലയും പറയണം.......

dhanesh mankulam March 17, 2009 at 7:42 PM  

വിവരണങ്ങള്‍ സിം‌പിള്‍ തന്നെ..... പക്ഷെ, എനിക്കു ഇതൊക്കെ തിയറിയിലൂടെ മാത്രമല്ലെ അറിയാന്‍ കഴിയുന്നുള്ളൂ..... (ക്യാമറ ഇല്ല).... only mobile camera (nokia 6233: 2 Mpix)..... അതുവെച്ചു ഞാന്‍ എന്‍‌റ്റെ ത്റ്ഷ്ണയെ അടക്കുന്നു........ ഹ ഹ ഹ............. പാവം ഞാന്‍....

:)

പിന്നെ,
one doubt,
..ഇതില്‍ white balanceല്‍ horizone mode ഉണ്ട്............
അതെന്താ, shade ആണൊ ഉദ്ദേശിക്കുന്നത്...?

അപ്പു March 19, 2009 at 12:59 PM  

ധനേഷ്,

മൊബൈല്‍ ഫോണീലെ ഹൊറൈസണ്‍ എന്ന വൈറ്റ് ബാലസ് വകുന്നേരങ്ങളിലേക്ക് ഉപയോഗിക്കാനുള്ളതാവും എന്നു തോന്നു.

“ഒരു മധ്യവര്‍ഗ്ഗ (middle class) കുടുംബത്തിനു താങ്ങാന്‍ കഴിയുന്ന വിലയുള്ള നല്ല cameras ഒന്നു പറയാമൊ.? വിലയും പറയണം.......“

ഈ ചോദ്യത്തിന് ഉത്തരം പറയുവാന്‍ വലിയ ബുദ്ധിമുട്ടാണ്. കാരണം ഓരോരുത്തര്‍ക്കും പറ്റിയ ബഡ്ജറ്റ് എത്രയെന്ന് അവരവര്‍ക്കല്ലേ അറിയൂ. പോയിന്റ് ആന്റ് ഷൂട്ട് ക്യാമറകള്‍ ഏതെല്ലാം റെയ്ഞ്ചില്‍ വേണമെങ്കിലും കിട്ടുമല്ലോ. അതൊന്നും അവയുടെ വിലവച്ച്നോക്കുമ്പോള്‍ മോശമല്ലതാനും. ഞാന്‍ ദുബായിയിലാണുള്ളത്. ഇവിടത്തെ ഇലക്ട്രോണിക് സാധനങ്ങളുടെ വിലവച്ച് നാട്ടിലെ വിലയെ താരതമ്യപ്പെടുത്തുന്നത് ശരിയല്ല. അതുമല്ല എനിക്ക് മാര്‍ക്കറ്റിലുള്ള എല്ലാത്തരം ക്യാമറകളെപ്പറ്റിയും അപ്ടുഡേറ്റ് വിവരവുമില്ല. അതിനാല്‍ താങ്കള്‍ തന്നെ മാര്‍ക്കറ്റില്‍ പോയി പോക്കറ്റിനിണങ്ങുന്ന ഒരു ബ്രാന്റഡ് ക്യാമറ വാങ്ങുക.

saptavarnangal March 26, 2009 at 6:26 AM  

Appu,
Sorry for responding in English.To type all these things in Malayalam will take a lot of time, sorry about that.

Of all the topics dealt in this blog so far, this is the toughest, trickiest and complex topic.I doubt whether this chapter was an effective one from your side.

It confuses a lot, the subject is like that :)

2. ഒരു ഫ്രെയിമിന്റെ കൃത്യമാ എക്സ്പോഷര്‍ വാല്യു നിര്‍ണ്ണയിക്കുവാനായി ഡിജിറ്റല്‍ ക്യാമറയില്‍ പലവിധ സങ്കേതങ്ങള്‍ ഉപയോഗിക്കുന്നുണ്ട്. അവയില്‍ ഏറ്റവും പ്രമൂഖമാണ് മീറ്ററിംഗ് മോഡ്.

In my understanding, inside the camera, there is only one way to calculate the exposure and that is via a built in light meter. Metering modes are the different modes by which light is measured by this meter. The main three metering modes are evaluative, center weighed and spot metering as mentioned in the article.


3. സോണ്‍ മീറ്ററിംഗ് മോഡ് എല്ലാ സാഹചര്യങ്ങളിലും അനുയോജ്യമാവണമെന്നില്ല. അപ്പോള്‍ മറ്റു മീറ്ററിംഗ് മോ‍ഡുകള്‍ ഉപയോഗിക്കാം. മീറ്ററിംഗ് മോഡ് എന്നാല്‍ അനുയോജ്യമാ‍യ എക്സ്പോഷര്‍ വാല്യു എന്നതില്‍ കൂടുതലായി ഒന്നുമല്ല.

Each metering mode is different and brings its own effect in the frame. For example in a bright back ground, to create a silhoutte we need to use spot metering on the bright area, so that it exposes to the bright area, creating a dark outer border for the subject which we intend to silhoutte.

4. ഒരിക്കല്‍ നിശ്ചയിച്ച എക്സ്പോഷര്‍ വാല്യൂവില്‍ നിന്ന് ചെറിയ മാറ്റങ്ങള്‍ വരുത്തുവാനുള്ള എളുപ്പവഴിയാണ് എക്സ്പോഷര്‍ കോമ്പന്‍സേഷന്‍. ഇത് എല്ലാ ഡിജിറ്റല്‍ ക്യാമറകളിലും ലഭ്യമായ ഒരു സംവിധാനമാണ്.

5. പ്രായോഗികമായി പറഞ്ഞാല്‍ മീറ്ററീംഗ് മോഡുകളും എക്സ്പോഷര്‍ കോമ്പന്‍സേഷനും ഫലത്തില്‍ ഒന്നുതന്നെയാണ്.

Certainly exposure compensation changes the exposure, but they are different from the metering modes. The output of the metering mode is an exposure value and exposure compensation is used to sightly alter/adjust that output.

For example, if we shoot a scene with majority of snow, the light reflected by the snow will fool the light meter in the camera, there by tricking the meter to get an exposure reading( white is read as 18% gray) which will be an under exposure value. So we need to set + compensation to get the correct exposure.Example here (http://www.digital-photo-secrets.com/tip/19/exposure-value/)

6. ഏതുമീറ്ററിംഗ് മോഡില്‍ എക്സ്പോഷര്‍ വാല്യൂ കണ്ടുപിടിച്ചാലും, എക്സ്പോഷര്‍ കോമ്പന്‍സേഷന്‍ ആവശ്യമെങ്കില്‍ ഉപയോഗിച്ച് നല്ല ചിത്രങ്ങള്‍ എടുക്കാം. സോണ്‍ മീറ്ററിംഗ് സാങ്കേതികവിദ്യയുടെ പ്രത്യേകത കാരണം ഏറക്കുറെ എല്ലാ സാഹചര്യങ്ങളിലും ഒരു സ്റ്റാര്‍ട്ടിംഗ് പോയിന്റ് എന്ന നിലയില്‍ അത് അനുയോജ്യമാണ്.



Having said all these, there is nothing like a perfect exposure.It depends on the creative thinking of the photographer. For example, what is a perfect exposure for the complex frame of bright sun and bike? There is one exposure for the way Sreenath wants it, he needs bike to be properly exposed with the back ground also exposed. What if I need the bike as a silhoutte? Then the exposure is different.

saptavarnangal March 26, 2009 at 6:36 AM  

Sreenath,
AS you mentioned, the way to get the bike along with sun is the idea of fill fash. For that you get the matrix reading for the entire frame,then need to control your flash and expose it for the bike only. There is something called flash exposure compensation by which you can control the pwoer of the flash.I don't know whether that feature is available for your camera or not. But the concept in this scenario is fill flash.

saptavarnangal March 26, 2009 at 6:49 AM  

To understand spot metering, here is an example.
http://1.bp.blogspot.com/_2X6SZilXjMY/SWKnOHn4YtI/AAAAAAAAE74/c2pN9lB-Xb0/s1600-h/Shining_bud.jpg


No editing done on this photo except for the border, and NO bl
ack background was used and it was taken on a sunny day noon time!
Then how did I get the exposure like this? I did a spot metering on the petal which was one on the brightest spots in the frame, in the dark part the exposure value was less than 4 stops and hence it appeared dark. A matrix metering/center weighted metering would have revealed more back ground

അപ്പു March 26, 2009 at 12:30 PM  

സപതന്‍‌ജീ കമന്റുകള്‍ക്ക് നന്ദി.
ഈ കമന്റുകള്‍ അല്പം കൂടി നേരത്തേ പോസ്റ്റ് പ്രസിദ്ധീകരിച്ചിരുന്നതിനോടൊപ്പമായിരുന്നെങ്കില്‍ എന്ന് ആഗ്രഹിച്ചുപോയി. സാരമില്ല. പറഞ്ഞകാര്യങ്ങള്‍ ഞാന്‍ ഇതില്‍ ചേര്‍ത്തുകൊള്ളാം.

വീ കെ March 28, 2009 at 4:04 PM  

അപ്പു മാഷെ,
വായിച്ചു നോക്കുകയാണ്.ഏക്കുന്നില്ലങ്കിലും ഒന്നുകൂടി വായിക്കുമ്പോൾ എന്തൊക്കെയൊ കേറുന്നു തലയിൽ.
ചോദ്യോത്തരങ്ങൾ വായിക്കുമ്പോൾ തലയിൽ കേറിയതത്രയും ഇറങ്ങിപ്പോയ പോലെ...
സ്വന്തമായ ഒരു കാമറയും കയ്യിൽ വച്ചൂ കൊണ്ടു വായിച്ചാലെ മുഴുവനും പിടിത്തം കിട്ടു.. .
അടുത്ത ലക്കത്തിനായി കാക്കുന്നു...

ഷമ്മി :) April 9, 2009 at 4:17 PM  

അപ്പുമാഷേ ... നന്ദി. ഇത്രയും ലളിതമായി ഈ വിഷയം അവതരിപ്പിക്കുക എന്നത് ഒരു വലിയ കാര്യം തന്നെയാണ്.
ഒരു സംശയം..ഇവിടെ ചോദിക്കാമോ എന്നറിയില്ല.പഴയ ഒരു പോസ്റ്റ് വായിച്ചപ്പോള്‍ തുടങ്ങിയ സംശയമാ.. വീഡിയോ ക്യാമറയിലെ പോലെ 3ccd ടെക്നോളജി ഏതെങ്കിലും സ്റ്റില്‍ ക്യാമറകളില്‍ ഉപയോഗിക്കുന്നുണ്ടോ ? ഇല്ലെങ്കില്‍ എന്ത് കൊണ്ടായിരിക്കും ? കൂടുതല്‍ മെച്ചപ്പെട്ട ചിത്രങ്ങള്‍ കിട്ടാന്‍ അത് സഹായിക്കില്ലേ ?
അടുത്ത ക്ലാസ് ഉടനെ തരണേ..
പുതിയ പോസ്റ്റ് ഇട്ടാല്‍ എന്നെ കൂടി മെയിലില്‍ കൂടെ അറിയിക്കാമോ ?
shammiknr@gmail.com

Meghamalhar April 21, 2009 at 8:28 AM  

appumashe valare adikam nanni
pattumengil photographye kurichu predipadikkunna bookukalum web linkukalum koodi kodukkumallo. njan oru nikon d 40 vangiyittu pattiyude kayyil muzhuvan thenga kittaya pole irikkukayayirunnu..now im started doing expmts....... thanks

Sureshkumar Punjhayil April 27, 2009 at 7:12 PM  

This is really a great effert... Thanks a million for sharing this with us. Best wishes...!!!

ആഷ | Asha April 27, 2009 at 8:22 PM  

ഞാനുമെത്തി ക്ലാസിൽ :)
തൽതിരിഞ്ഞ സ്റ്റുഡന്റായതു കൊണ്ട് പുറകിൽ നിന്നും മുന്നിലേക്കാ വായനയുടെ പോക്ക്.
എനിക്ക് മീറ്ററിംഗിനെ കുറിച്ച് കുറേയേറെ കാര്യങ്ങൾ മനസ്സിലാക്കാൻ സാധിച്ചു. എത്ര നേരം തലയിൽ നിൽക്കുമെന്നറിയില്ല. കൂടുതൽ ചിത്രങ്ങൾ എടുത്ത് പരീക്ഷിച്ച് വരുമ്പോൾ മനസ്സിരുത്തി മനസ്സിലാക്കാൻ സാധിക്കുമെന്നു കരുതുന്നു.

ധനേഷ് മാങ്കുളം May 17, 2009 at 9:40 AM  

hi appuetta....
how can I add "subscribe" tool to my blog.?
[if you don't mid reply to my mail ID

ധനേഷ് മാങ്കുളം May 17, 2009 at 9:41 AM  

appuetta...
how can I add a tool that enable the readers to subscribe my blog...???
if you dont mind, reply to mail.....

Seny October 19, 2009 at 10:28 AM  

It is really informative. I have given this link to some of my friends who asked me what is metering. And you have described in a simple and excellent way with samples.
But I use only spot metering. If any change is light is required I'll select the proper exposure by pointing on light medium or dark grey and will lock the exposure and then shoot. Why dont you describe this technique here in your simple and beautiful way..:-)

Sarin December 3, 2009 at 3:57 PM  

അതിഗംഭീരം...
ഇങനെ ഒന്നു തപ്പികൊണ്ട് നടക്കായിരുന്നു...

anil November 4, 2013 at 2:49 PM  

photography-ye kurichulla puthiya write up onnumille?

നാട്ടുമ്പുറത്തുകാരന്‍ January 8, 2014 at 4:07 PM  

അപ്പു മാഷെ ഈ ബ്ലോഗു പ്രിന്റെടുത്ത് പഠിച്ചാ ഞാന്‍ ക്യാമറ വാങ്ങിയത് .പക്ഷെ ഞാനൊരു വിഡ്ഢിത്തം ചെയ്തു സംശയങ്ങളും മറുപടിയും ഡിലീറ്റ് ചെയ്തിരുന്നു .ഇപ്പൊ കുറെ നാളുകള്‍ക്ക് ശേഷം വീണ്ടും ഈ ബ്ലോഗു തുറന്നു വീണ്ടും വായിച്ചു ഇപ്പോഴാ കുറച്ചു കൂടി മനസ്സിലായത് നന്ദി

libin john December 29, 2016 at 3:46 PM  

സെലക്ട് ചെയ്ത മീറ്ററിംഗ് മോഡിലുള്ള Exposure ക്യാമറ view finder ൽ കൂടി കാണിക്കുന്നുണ്ടല്ലോ. പിന്നെ മോഡ് മാനുവൽ ആയതു കൊണ്ട് ക്യാമറ ആ വാല്യു ഓട്ടോമാറ്റിക്ക് ആയി സെലക്ട് ചെയ്യുന്നില്ല എന്നു മാത്രം.

About This Blog

ഞാനൊരു പ്രൊഫഷനല്‍ ഫോട്ടോഗ്രാഫറല്ല. വായിച്ചും കണ്ടും കേട്ടും പരീക്ഷിച്ചും ഫോട്ടോഗ്രാഫിയില്‍ പഠിച്ചിട്ടുള്ള കാര്യങ്ങള്‍ നിങ്ങളുമായി പങ്കുവയ്ക്കാനൊരിടമാണ് ഈ ബ്ലോഗ്.

  © Blogger template Blogger Theme II by Ourblogtemplates.com 2008

Back to TOP